web counter
LEXO PA REKLAMA!

SHKARKO APP

App Store
Google Play

E fundit!

x

Mbyllja e "TikTok"-ut/ Rama: Në një periudhë 10-15-ditore do të jetë “black out”

17 Mars 2025, 15:40, Politikë CNA

Mbyllja e "TikTok"-ut/ Rama: Në një periudhë

Kryeministri Edi Rama, në takimin me mësuesit në Lushnjë, ka folur sërish për mbylljen e "TikTok"-ut.

Rama tha se janë zhvilluar bisedime me kompaninë, e cila ka thënë se do të vendosen filtra. Po ashtu kryeministri u shpreh se janë zhvillluar konsultime edhe me prindërit, 95% e të cilëve ishin pro mbylljes.

Kryeministri ka thënë se brenda një periudhe 10-15-ditore platforma "TikTok" do të jetë “black out”.

 

“Kemi vendosur mbylljen duke u konsultuar me 95 për qind të prindërve. Ka qenë vendimmarrje ku nuk ka pyetur njeri socialist apo demokrat se kanë pasur parasysh fëmijët e tyre dhe 95 për qind prindër e mësues thoshin se duhet të mbyllet. Patjetër që kemi marrë vendim të mbyllet dhe paralelisht kemi hapur dialog me kompaninë, kemi thënë se 'TikTok'-un nuk do ta lejojmë të vazhdojë të funksionojë dhe të hyjë nëpër shtëpitë e familjeve tona si skuth me gjithë ato produkte që janë pa filtër. Nuk e kemi fare me ju, në kuptimin, jo ndonjë gjë ideologjike me ju, por duam garanci. P.sh., kemi nxjerrë një sërë gjërash, ia kemi vënë kompanisë në dispozicion.

Për hir të së vërtetës kanë pasur një reagim që nuk e prisja. Kanë qenë bashkëpunues dhe na kanë premtuar se do të vijnë me një plan për të vendosur një sërë mburojash. Për anglishten, algoritmi i tyre arrin të bllokojë fjalë të caktuara. Për shqipen nuk kanë. Dhe ne jemi në kontakt me ta. Punon një grup me ta, kështu që kur të jenë gati do të vijnë në Shqipëri dhe publikisht do t’u tregoni prindërve se çfarë do të ndryshojë. Mbyllja ka filluar, teknikisht nuk është si mbyllje dritash. Ditë pas dite gryka e 'TikTok'-ut do të ngushtohet dhe në një periudhë 10-15-ditore do të duhet të jetë 'black out'. Dua t’ju them se i qëndrojmë plotësisht”, tha Rama./ CNA

 





Lajmet e fundit nga