web counter
LEXO PA REKLAMA!

SHKARKO APP

App Store
Google Play

E fundit!

x

"Bushka ka penguar hetimet e SPAK-ut"/ Këlliçi ngre alarmin: Sot Kuvendi është në rrezik

17 Mars 2025, 14:06, Politikë CNA

"Bushka ka penguar hetimet e SPAK-ut"/ Këlliçi ngre

Drejtuesi politik i PD-së për Tiranën, Belind Këlliçi, ka deklaruar se deputetja e PS-së, njëherësh kryetarja e Komisionit të Ligjeve, Klotilda Bushka, është nën hetim nga SPAK-u për akuzat për veprën penale “Veprime që pengojnë zbulimin e së vërtetës".

Deputetja që drejton Komisionin Parlamentar ku diskutohet çdo akt ligjor që prek reformën në drejtësi, rezulton se ka penguar hetimet e SPAK-ut duke ndihmuar në shkatërrimin e telefonit si mjet për provat e korrupsionit të çiftit Veliaj, duke orientuar dëshmitarët të japin dëshmi të rreme, duke penguar hetimet për të mësuar se kompania guackë e çiftit Veliaj, kishte adresën e shtëpisë së vetë kryetares së Komisionit të Ligjeve.

Këlliçi ka ngritur alarmin duke thënë se sot Kuvendi i Shqipërisë është në rrezik, sepse Edi Rama ka dhënë mesazhin publik se kush pengon të zbulohet korrupsioni, ka mbrojtjen e kreut të organizatës!

“Kryetarja e Komisionit Parlamentar të Ligjeve rezulton tashmë e regjistruar në regjistrin përkatës të njoftimeve, si person i dyshuar për kryerjen e veprës penale 'Veprime që pengojnë zbulimin e së vërtetës', parashikuar nga neni 301 i Kodit Penal.

Pra, deputetja që drejton Komisionin Parlamentar ku diskutohet çdo akt ligjor që prek reformën në drejtësi, rezulton se ka penguar hetimet e SPAK-ut:

Duke ndihmuar në shkatërrimin e telefonit si mjet për provat e korrupsionit të çiftit Veliaj;

Duke orientuar dëshmitarët të japin dëshmi të rreme;

Duke penguar hetimet për të mësuar se kompania guackë e çiftit Veliaj, kishte adresën e shtëpisë së vetë kryetares së Komisionit të ligjeve;

Të gjitha këto akte janë të dënueshme moralisht, politikisht dhe penalisht.

Sot Kuvendi i Shqipërisë është në rrezik, sepse Edi Rama ka dhënë mesazhin publik se kush pengon të zbulohet korrupsioni, ka mbrojtjen e kreut të organizatës!

Ftojmë çdo qytetar shqiptar, që më 11 maj, t’i japë përgjigjen e merituar kësaj organizate kriminale, që ka marrë peng prej 12 vitesh fatin e shqiptarëve dhe që sot formalisht mban emrin Partia Socialiste e Shqipërisë”, tha Këlliçi./ CNA





Lajmet e fundit nga