web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 11 majit/ Rama: BE çështje themelore e fushatës elektorale, peshë specifike

17 Mars 2025, 10:10, Politikë CNA

Zgjedhjet e 11 majit/ Rama: BE çështje themelore e fushatës

Kryeministri Edi Rama ka folur për zgjedhjet e 11 majit ku është shprehur që nuk ka pasur moment zgjedhor si ky me një peshë specifike gjeopolitike.

Rama nënvizoi se nuk ka ndodhur më parë që BE të bëhet çështje themelore e një fushate elektorale.

Ai theksoi se treni i historisë nuk duhet humbur pasi nuk qëndron gjatë në stacion duke iu referuar integrimit të vendit në BE.

“Nuk ka ndodhur më parë që BE të bëhet çështje themelore e një fushate elektorale. Janë zgjedhjet më historike nga viti ‘91-‘92 e këtej. ‘91-‘92 ishin për të konfirmuar një sistem tjetër, ndërsa këto zgjedhje janë që Shqipëria bëhet pjesë e një sistemi të ri ndërkombëtar.

Ne jemi mishërimi i vullnetit të afro 800 mijë shqiptarëve që me votën e Diasporës mund të shkojnë rreth 1 milion shqiptarë. Këtë forcë do t'ua vëmë në dispozicion të gjithëve pavarësisht dallimeve që mund të kemi kur flasim për një çështje apo një tjetër, në fund duhet të jemi të gatshëm që PS-në duhet t'ua vëmë në dispozicion atyre që ndajnë me ne qëllime të mëdha.

Nuk ka pasur moment zgjedhor si ky me një peshë specifike gjeopolitike sepse besoj se që nga zgjedhjet e para pluraliste këto janë të parat zgjedhje që kanë rëndësi gjeopolitike për Shqipërinë.

Për herë të parë në eksperiencën time mundësia për të hyrë në BE është reale, e prekshme dhe aktuale. Asnjëherë nuk e kemi vënë në dyshim, por besoj nuk ka qenë asnjëherë e dyshuar që Shqipëria duhet të jetë anëtarëe e BE-së. Asnjëherë si sot s’ka qenë diçka konkrete dhe aktuale. Është hapur një dritare që nuk do të qëndrojë gjithmonë e hapur dhe rrethanat janë përputhur me rrethanat tona ku si rezultat i arritjeve të realizuara ne kemi mundësinë të shfrytëzojmë këtë moment.

Ky është një nga momentet ku treni i historisë kalon para nesh dhe ne duhet të jemi të vetëdijshëm që treni i historisë qëndron shumë pak në stacion.

Ne nuk mund ta humbim këtë tren nuk duhet dhe nuk do ta humbim këtë tren. Duhet t'u flasim njerëzve për ndryshimin e këtij momenti”, është shprehur kryeministri gjatë takimit me kandidatët e PS-së për Qarkun e Tiranës./ CNA





Lajmet e fundit nga