web counter
LEXO PA REKLAMA!

SHKARKO APP

App Store
Google Play

E fundit!

x

“Mirdita është e gruas”/ Kandidatja për deputete Pranvera Skana, diplomatja që u kthye nga Londra

15 Mars 2025, 18:27, Politikë CNA

“Mirdita është e gruas”/ Kandidatja për deputete

Kandidatja për deputete, e dalë nga platforma “Deputeti që duam”, Pranvera Skana ka qenë e ftuar në podcastin “Flasim” nga kryeministri Rama.

Skana, e cila ka qenë diplomate në Londër,  gjatë fjalës së saj tha se kishte pritshmëri se do të fitonte kur aplikoi në platformë.

Më tej Skana deklaroi se më 11 maj Mirdita do të zgjedhë gruan.

“Unë me këtë angazhgim jam si një bijë që jam kthyer në Mirëditë. Vi nga platforma “Deputeti që duam”. Dua të veçoj eksperiencën si diplomate në Londër. Diplomacia publike është sot suksesi dhe i qeverisë. Pikasa për një seri eventesh, një mik për Shqiopërinë. Madje dhe ju zoti Ramamë keni bërë share një video promovuese për Shqipërinë. Vi nga një derë e madhe, nga Oroshi, nga fisi Skana, ku veçoj një klerik të kohës, Imzot Zef Skana, i cili ka pasur një kontribut shumë të madh në veri, në mënyrë të veçantë për pajtimin e gjaqeve pastaj dhe dimensioni fetar që ne në Mirditë, kisha ka luajtur rol mjaft impaktues në jetën tonë të përditshme.

Partia Socialiste i ka vlerësuar gratë dhe Mirditën, ne jemi përfaqësuar nga Marie Biba, e para deputetet e Parlamentit pluralist. Mirdita është e gruas dhe ky do të jetë edhe rezultati më 11 maj. Kisha pritshmëri kur aplikova në platformë”, tha Skana.

 

Gjatë bashkëbisedimit me kandiddaten mirditore Pranvera Skana, Rama i tha asaj se dhe ai gjtihashtu ka rrënjë nga Mirdita.

“Rrënjën e largët nga nëna e kam në Mirëditë. Nëna ime është nga Vunoi, por në Vuno shumë kohë më parë kanë rënë poshtë, siç i thoni ju, familje mirditore. E njoh historinë pak të Mirditës dhe krenarinë edhe mendoj që dhe kokëfortësia e atyre të bregut pshtë e ka komponentin Mirditë”, tha Rama./ CNA

 





Lajmet e fundit nga