Ndryshimi mes listave PD-PS/ Strazimiri: Rama po bën spastrim për të fshehur gjurmët

14 Mars 2025, 18:30, Politikë CNA

Ndryshimi mes listave PD-PS/ Strazimiri: Rama po bën spastrim për

Anëtari i kryesisë së PD-së, Gent Strazimiri tha sot se ka një dallim thelbësor ndërmjet listave zgjedhore sa i përket dy partive kryesore në vend, PD dhe PS.

Në një dalje televizive, Strazimiri tha se PS po bën një lloj spastrimi pasi mundohet të fshehë gjurmët, të distancohet nga personat që kanë rënë te rrjeta e drejtësisë.

Strazimiri theksoi se ndryshe nga PS-ja, lista e opozitës është e përbërë nga personalitete të politikës, që kanë bërë betejat e tyre politike dhe janë persona me integritet.

“Do thoja që dallimi midis dy listave është thelbësore. Lista e opozitës, është e përbërë nga personalitete të politikës, personalitete të PD, persona që kanë bërë betejat e tyre politike por janë persona që mbrojnë me integritet mendimin e tyre, kanë pikpamjet e tyre dhe të gjithë kanë një emërues të përbashkët. Janë denoncuesit kryesorë me emra pavarësisht rrezikshmërisë që paraqesin, të organizatave kriminale, të drogës apo të organizatave krimninale në shtet të cilët vjedhin përmes korrupsionit normalisht në bashkëpunim me krimin e organizuar.

Sigurisht është një listë e përcaktuar me vullnetin e lirë të Demokratëve në një betejë të vërtetë,me tensione dhe emocione por në fund të fundit është një listë e faktuar nga një zjarr i fortë dhe nga një presion i gjithëanshëm.

Përballë kësaj kemi një listë të qeverisë aktuale, tek e cila ashtu si grupi parlamentarë aktual pjesën më të madhe të emrave, nuk njihen. Ende sot unë nëse shoh parlamentin edhe pas 4 vitesh ka fytyra që i shoh sot për herë të parë.

Strategjia është kjo, të marësh në dorë si një palë fytyra që nuk pati kohë ti njohë njeri dhe pjesa tjetër njerëz pa asnjë kontribut që si kanë thënë punës kurrë ‘Mirdita’.

Por që të vetmen dimension publik kanë faktin që veçanërisht në të ashtëquajturin ‘Kongres të rinisë’ u bënë barsaleta, meme, në rrjet, me ato që i thurnin Edi Ramës. Janë pikërisht ata që mbrojnë listën e Edi Ramës, e them me dhimbje të madhe që janë gazetarë të paguar nga pushteti të mirnjohur tashmë, të cilët thotë se lista e PD është humbëse dhe kjo e qeverisë është fituese.

Lista e PS nuk ndjek ligjësi vetëm të rinjtë në lista dhe të tjerë jashtë. Ca nga ministrat janë në listën e mbrojtur ca jo. Më të rrezikuarit nga SPAK janë në lista të sigurta dhe një pjesë tjetër praktikisht i është thënë SPAK - SKAPE. Është një lloj spastrimi i një lloj organizate mafioze e cila e kapur mundohet të fshehë gjurmët, të distancohet nga personat që kanë rënë rrjeta e drejtësisë”,-tha Strazimiri./CNA