web counter
LEXO PA REKLAMA!

SHKARKO APP

App Store
Google Play

Komisionerja për Zgjerimin e BE-së në Elbasan/ “Do të vijojnë financimet për Shqipërinë”

14 Mars 2025, 14:30, Politikë CNA

Komisionerja për Zgjerimin e BE-së në Elbasan/ “Do të

Komisionerja e Bashkimit Europian për Zgjerimin, Marta Kos, e ka vizituar sot qytetin e Elbasanit dhe disa qendra që financohen nga BE-ja.

Kos deklaroi se BE do të vazhdojë të financojë projektet në Shqipëri dhe se vendi ka bërë përparim, megjithëse ka ende punë për të bërë dhe i duhen reforma të tjera.

“Është hera e parë që vij në Elbasan dhe nuk e njihja mirë këtë qytet, por është kënaqësi që erdha në Ditën e Verës, në një ditë kaq të bekuar. Ka qenë një kënaqësi jo vetëm sepse është Dita e Verës, por edhe sepse pashë disa nga projektet e rëndësishme që financohen nga Bashkimi Europian. Si fillim, vizituam punishten ku punojnë gratë që krijojnë qilima të mrekullueshëm dhe biseduam me to për historitë e tyre. Më pas, morëm pjesë në një projekt tjetër që financohet nga fondet tona dhe ndihmon gratë e dhunuara. Ishte e vështirë, por gjithashtu inkurajuese të bisedonim me ato gra. Sigurisht, gjeja më e bukur ishte që vizituam shkollën 'Vaskal Todri', ku biseduam me nxënësit e shkollës, të cilët ishin të mrekullueshëm. Ne do të vazhdojmë të punojmë për të siguruar që fondet e BE-së të vijojnë dhe që projektet të përparojnë. Secili prej këtyre projekteve është i mrekullueshëm në fushën e vet, por ato që kam më afër zemrës janë për rininë dhe brezat e ardhshëm. Dje pata mundësinë të takohem me aktorë të ndryshëm, përfshirë përfaqësues të qeverisë dhe aktorë të tjerë të shoqërisë”, tha Kos.

Ndër të tjera theksoi se nëse vijohet puna me ritme të larta deri në vitin 2027 Shqipëria do të mund të anëtarësohet shumë shpejt në BE.

“Mund të them se Shqipëria ka bërë përparim të jashtëzakonshëm. Natyrisht, ka ende shumë punë për të bërë, reforma të tjera janë të nevojshme, por nëse vijon me këtë ritëm, atëherë është e sigurt që do të arrijmë të përfundojmë gjithçka deri në vitin 2027 dhe të ecim përpara sa më shpejt që të jetë e mundur. Dëshiroj të përgëzoj të gjithë qytetarët shqiptarë për gjithçka kanë arritur, por duke vijuar me këtë ritëm pune dhe pasion, shpresoj që Bashkimi Europian të mos mbetet më me 27 shtete anëtare, por të bëhet me 28, pas bashkimit me ne të Shqipërisë”, tha komisionerja./ CNA





Lajmet e fundit nga