web counter
LEXO PA REKLAMA!

SHKARKO APP

App Store
Google Play

E fundit!

x

Jozefina Topalli: Vota e diasporës është faktor elektoral që ndryshon çdo gjë

13 Mars 2025, 22:19, Politikë CNA

Jozefina Topalli: Vota e diasporës është faktor elektoral që

Drejtuesja politike e PD për Diasporën, Jozefina Topalli në një dalje televizive, ka vlerësuar rëndësinë e votës së diasporës në procesin zgjedhor, duke e cilësuar atë një faktor që mund të sjellë ndryshime të mëdha.

Topalli tha se takimi me Diasporën ka qenë një nga përvojat më të veçanta për të, duke nënvizuar kontributin e jashtëzakonshëm që emigrantët shqiptarë kanë dhënë për vendin ndër vite.

“Shqiptarët jashtë Shqipërisë janë integruar më mirë se çdo komunitet tjetër dhe kanë ruajtur një lidhje shumë të fortë me vendlindjen. Përveç kontributit të madh ekonomik që kanë dhënë, tani kanë edhe mundësinë të jenë pjesëmarrës në një proces politik. Shifrat e regjistrimit të diasporës në listat e votuesve ishin befasuese dhe tregojnë se ata tashmë janë një faktor elektoral që mund të ndryshojë çdo gjë,” tha Topalli.

Ajo shtoi se diaspora duhet të ketë përfaqësuesit e saj në politikën shqiptare dhe theksoi se PD ka shtatë kandidatë të dedikuar për diasporën.

“Një prej tyre është një vajzë shumë interesante në Tiranë, e lindur në Belgjikë, e shkolluar në Londër dhe e rikthyer në Shqipëri dy vitet e fundit. Ajo përfaqëson një brez të ri me një vizion ndryshe,” tha Topalli.

Sipas Topallit, përfshirja e diasporës në procesin politik është një hap i rëndësishëm për të forcuar lidhjen mes shqiptarëve jashtë vendit dhe Shqipërisë./CNA





Lajmet e fundit nga