web counter
LEXO PA REKLAMA!

SHKARKO APP

App Store
Google Play

E fundit!

x

Veliaj lihet në burg/ Shehaj: Prokurorët e kanë në dorë me prova e fakte

13 Mars 2025, 17:59, Politikë CNA

Veliaj lihet në burg/ Shehaj: Prokurorët e kanë në dorë

Ekspertja e ekonomisë, Brisida Shehaj tha sot se  lënia në burg nga Gjykata e kryebashkiakut Erion Veliaj  ishte një situatë e pritshme.

E ftuar në një emisionin në ‘SYRI TV’, Shehaj tha se Erion Veliaj ka qenë linçuesi më i madh i të gjithë atyre njerëzve për të cilët ai mendonte se përbënin problem për të.

Shehaj theksoi se Veliaj vendosi të bënte një betejë me prokurorët e SPAK-ut, të cilët nuk kanë në dorë vetëm fjalën, por kanë në dorë edhe letrat, edhe veprën.

“Ajo që ndodhi sot është diçka që ishte për mua e pritshme, sikur ishte i gjithë enturazhi i Erionit, dhe flas për ata individë të afruar nga ai në Bashkinë e Tiranës, që nuk kishin lidhje me Partinë Socialiste, por u bënë pjesë e strukturave drejtuese të Tiranës në të gjithë Tiranën. Për Partinë Socialiste kishin ndoshta pritshmëri të tjera, por që për mua ishte diçka e pritshme. Sigurisht, këto hetime do të vazhdojnë edhe të intensifikohen.

Mendoj se, nëse për hetime të tjera, si në rastin e 5D apo dhe në hetime të dosjeve të tjera të korrupsionit, është lënë me aq – pra flas, është lënë te ato letra – dhe në shumë raste ndoshta nuk janë zgjeruar përtej atyre letrave që kanë, pra në rrugët që të çojnë letrat, nuk janë zgjeruar për të bërë një mbyllje të asaj, ok, u kapën, lihet me aq dhe bëni atë detyrimin që keni për të bërë dhe dilni.

Erion Veliaj, për shkak të stilit të tij të ndyrë, që e ka bërë vazhdimisht, ka qenë linçuesi më i madh i të gjithë atyre njerëzve për të cilët ai mendonte se përbënin problem për të.

Pra, Erioni nuk ka pasur problem t’i hyjë në shtëpi kujtdo. Erioni nuk ka pasur problem t’i linçojë kundërshtarit të tij politik edhe ata që janë të vdekur në Sharrë.
Erioni nuk ka pasur problem të linçojë me breza, siç ka bërë, përfshirë edhe në rastin tim, ata njerëz që përbënin rrezik dhe problem për vjedhjet që bënte Erion Veliaj.

Kështu që, karma është karma. Në këto momente, Erioni vendosi të bënte një betejë me prokurorët e SPAK-ut, të cilët nuk kanë në dorë si ne të thjeshtët vetëm fjalën, por kanë në dorë edhe letrat, edhe veprën, edhe çekanin, ca gjyqtarë pastaj dhe, pra, e ngracën që ngriti për të gjithë vetë.
E mendoi veten të fuqishëm, por ja që fuqia mbaron.

Ajo që kam unë pikëpyetje është kjo: a do ta suportojë Erion Veliaj, siç bënë gjithë debilët e dobishëm që kishte Edi Rama dhe Partia Socialiste përpara Erionit, ata që e hëngrën para Erionit? A do t’i shërbejnë ata PS-së për të kapur ndonjë lek, ndonjë biznes, ndonjë koncesion apo ndonjë tender, apo i gjithë enturazhi i Erion Veliajt nuk do t’i shërbejë më Edi Ramës?",-tha Shehaj./CNA 

 

 





Lajmet e fundit nga