web counter
LEXO PA REKLAMA!

SHKARKO APP

App Store
Google Play

“Sot familja e Ardit Gjoklajt ndihet e lehtësuar”/ Këlliçi reagon pas lënies në burg të Veliajt

13 Mars 2025, 13:34, Politikë CNA

“Sot familja e Ardit Gjoklajt ndihet e lehtësuar”/

Drejtuesi politik i Partisë Demokratike për Qarkun e Tiranës, Belind Këlliçi, ka reaguar në rrjetet sociale pas vendimit të Apelit të GJKKO-së për të lënë në burg Erion Veliajn.

Këlliçi shkruan se sot është një tjetër ditë çlirimi. Familja e Ardit Gjoklaj ndihet po ashtu e lehtësuar, shkruan Këlliçi.

“Sot kreu i '5D' dhe pronari faktik i inceneratorit Tiranë, Erion Veliaj, mbeti në burg!  Sot është një ditë tjetër çlirimi dhe frymëmarrje nga ky hajdut i pashembullt për kryeqytetin tonë dhe më gjerë.  Sot është një ditë tjetër kur banorët e Astirit, të zonës së Kombinatit, banorët e 5 Majit, ata të Myslym Ketës, protestuesit e Aleancës për Mbrojtjen e Teatrit dhe të gjithë qytetarët e thjeshtë që kanë rënë pre e dhunës institucionale të tij dhe shpurës së tij, marrin frymë lirisht dhe ndjejnë shpagim për padrejtësitë e pësuara. Sot familja e të ndjerit Ardit Gjoklaj ndjehet e lehtësuar gjithashtu!

Unë jam këtu për t’ju thënë se nesër, për Shqipërinë,  do të vijë një ditë e re. Të gjithë kandidatët e PS që guxojnë të shkelin ligjin dhe të tjetërsojnë votën, të gjithë zyrtarët që abuzojnë me pushtetin e firmës, ata që blejnë vota e shtrojnë asfalt elektoral, ata zyrtarë që keqpërdorin si pronë private administratën publike, do të bashkëndajnë me Veliajn fatin e përbashkët. Ashtu si zyrtarët e korruptuar tashmë pas hekurave, do ju bashkohen shokëve të qelisë.  Ky është angazhimi im dhe i Partisë Demokratike, për një Shqipëri më në fund të lirë nga një kastë mafioze", shkruan Këlliçi./ CNA

 





Lajmet e fundit nga