web counter
LEXO PA REKLAMA!

SHKARKO APP

App Store
Google Play

E fundit!

x

“Nuk ka alternativë tjetër përveç integrimit"/ Rama, konferencë me komisioneren Marta Kos

13 Mars 2025, 10:59, Politikë CNA

“Nuk ka alternativë tjetër përveç integrimit"/

Kryeministri Edi Rama ka folur në konferencën e përbashkët me Komisioneren për Zgjerimin në BE, Marta Kos.

Gjatë fjalës së tij Rama tha se Shqipëria nuk ka alternativë tjetër përveç integrimit në BE.

“Po presim komisioneren e Zgjerimit në vizitën e saj të parë me shi. Unë ia sqarova që shiu është bereqet dhe kam bindjen që do jetë ogur i mirë për ecurinë e planit të ri të rritjes dhe disbursimit të fondeve shtesë për Shqipërinë. Është kënaqësi që ju presim këtu në Tiranë dhe dua ta përsëris që ne në rajon, e kemi pritur me entuziazëm zgjedhjen tuaj, sepse ju jeni edhe e BE, por edhe e jona, duke qenë nga një vend i rajonit, i cili ka shkëlqyer në rrugën e vet dhe sot është anëtare e BE-së.

Duke pasur gjakun më pranë nesh, sesa pranë Brukselit, shpresoj, jam i bindur, më vjen jashtëzakonisht mirë që takohemi në një moment kur kemi arsye të jemi krenarë për çfarë kemi bërë, ne nuk e marrim mbështetjen tuaj si diçka të dhënë, por si diçka që duhet marrë. Është mbështetja e një institucioni të madh dhe kërkues si BE, që jemi të vetëdijshëm që duhet ta meritojmë. Ne e dimë se nuk ka alternativë tjetër”, tha Rama./ CNA





Lajmet e fundit nga