web counter
LEXO PA REKLAMA!

SHKARKO APP

App Store
Google Play

E fundit!

x

Kandidon në listën e hapur të PD-së në Tiranë/ Deputetja: Nuk do të më trembë kjo sfidë

13 Mars 2025, 10:33, Politikë CNA

Kandidon në listën e hapur të PD-së në Tiranë/

Deputetja Jorida Tabaku ka reaguar pas zyrtarizimit të listave zgjedhore dje në mesnatë nga Partia Demokratike.

Pas diksutimeve Tabaku u la në listën e hapur të Tiranës, vendim që fillimisht nuk u prit mirë nga deputetja demokrate.

Jorida Tabaku shprehet se nuk e tremb as kjo sfidë pasi gjithçka e ka fituar me punë. Deputetja falënderon anëtarësinë për votimin në Primare dhe premton përfaqësim dinjitoz për ta.

 

"Faleminderit demokratëve të Tiranës për besimin!
Fitova primaret me mbështetjen tuaj dhe isha ndër më të votuarit, por sot nis një sfidë të re—betejën për Tiranën në listën e hapur!
Në Partinë Demokratike asgjë nuk më është falur. Çdo betejë e kam fituar me punë dhe përkushtim, dhe ashtu do të ndodhë edhe tani! Do të jem në Parlamentin e ri për të përfaqësuar jo vetëm demokratët që më votuan, por edhe ata që ende nuk e shohin veten të përfaqësuar. Për një ekonomi më të mirë, për shtresën e mesme, për familjet shqiptare, për integrimin Europian dhe për luftën ndaj korrupsionit!
Betejat nuk më trembin! Nuk më trembi komisioni hetimor, as pronarët e inceneratorëve që sot janë në arrati apo në qeli. Nuk më trembi as beteja për profesionet e lira dhe të drejtat e qytetarëve. Ndaj nuk do të më trembë as kjo sfidë!
Për mua nuk ka pasur dhe nuk do të ketë privilegj më të madh sesa të jem zëri i demokratëve dhe të vazhdoj t’ju përfaqësoj me dinjitet dhe vendosmëri", shkruan deputetja Tabaku./CNA





Lajmet e fundit nga