web counter
LEXO PA REKLAMA!

SHKARKO APP

App Store
Google Play

E fundit!

x

“Nuk lejoj të përdhunohem politikisht nga partia për të cilën kam sakrifikuar”/ Sula reagon pas vendimit të PD-së

13 Mars 2025, 12:17, Politikë CNA

“Nuk lejoj të përdhunohem politikisht nga partia për

Deputeti i Partisë Demokratike, Dashnor Sula, deklaroi sot se nuk lejon të përdhunohet politikisht nga partia për të cilën ka sakrifikuar prej vitesh.

Në një deklaratë përpara gazetarëve para nisjes së seancës plenare në Kuvendin e Shqipërisë, Sula është pyetur nga gazetarët për lëvizjen e tij në orën e fundit të bërjes së listave, pasi u vendos në listën për koalicionin ‘Nisma Shqipëria Bëhet’.

Sa i përket periudhës së drejtimit të Partisë nga Basha, Sula tha se janë plagë që duhet të mbylleshin.

"Tani unë në radhë të parë do të doja të falënderoja të gjithë demokratët e Peqinit, të Belshit, Cërrikut, të Gramshit, të Elbasanit, Librazhdit dhe Përrenjasit që kemi punuar bashkë për një ëndërr dhe ajo ëndërr është që Partia Demokratike të triumfonte nga zgjedhjet e vitit 2017, 2021 gjë e cila nuk u realizua për shkak të problematikave të brendshme të Partisë Demokratike, që ka pasur Partia Demokratike brenda saj dhe kryetari i Partisë Demokratike i asaj kohe, zoti Basha. Fatkeqësisht, mendoj se këto probleme që do të duhet që të mbylleshin, këto plagë të cilat u hapën pas vendimit të 9 shtatorit të vitit 2021, ku zoti Basha në mënyrë të njëanshme, në mënyrë jo të drejtë, mori një vendim, në largimin e zotit Berisha nga grupi parlamentar i Partisë Demokratike",-tha Sula.

Sula tha se i ka kërkuar Berishës që Basha të mos ishte në krye të partisë.

"I kam kërkuar Berishës në 2021 që Basha mos të jetë më në krye të Partisë Demokratike, gjë të cilën zoti Berisha bashkë me bashkëpunëtorët e tij më të ngushtë, i famshmi Flamur Noka, e famshmja Albana Vokshi, që fatkeqësisht sot Partia Demokratike ka rënë sot në dorë të këtyre dy figurave të cilat janë, nuk do thosha të urryera, por të padëshiruara nga demokratët, por të urryera nga qytetarët shqiptarë",-vijoi Sula.

Sula theksoi se nuk lejon të përdhunohet politikisht nga partia për të cilën ka sakrifikuar prej vitesh.

"Zoti Berisha nis të gjithë aksionin e tij në atë kohë në foltoren e famshme me moton, çdo individ politik dhe vota do të jetë e para në Partinë Demokratike, fatkeqësisht u shkel me të dyja duart. Unë nuk mund të lejoj, po përdor këtë termin, të përdhunohem, kam sakrifikuar për atë parti jetën, familjen time dhe jam i vetmi person që s'kam përfitur kurrë dhe nuk kam marrë kurrë ofiqe,"-tha Sula./CNA  

 

 





Lajmet e fundit nga