web counter
LEXO PA REKLAMA!

SHKARKO APP

App Store
Google Play

Prefekti i Korçës: Ju më donit, s’më donte partia

13 Mars 2025, 11:18, Politikë CNA

Prefekti i Korçës: Ju më donit, s’më donte partia

Prefekti i Korçës, Nertil Jole, ka reaguar sot, pasi ai nuk u përfshi në listën e kandidatëve të PS-së për zgjedhjet e 11 majit.

Në një status të publikuar në rrjetet sociale, Prefekti i Korçës Nertil Jole, thekson se populli e donte dhe ai donte të ishte në listë që të t’i përfaqësonte ata, por nuk e donte partia që e ka zgjedhur si Prefekt dhe tani Partia ka vendosur që të rrijë atje ku është që t’i shërbejë popullit.

Jole shprehet se edhe pse nuk është pjesë e listës për arsye që nuk varen prej tij, angazhimi i tij për qytetin dhe qarkun mbetet i palëkundur.

“Shpallja e kandidaturave të PS për zgjedhjet e 11 majit konkretizoi një proces të rëndësishëm përzgjedhjeje për përfaqësimin e qytetarëve.

Urime gjithë kandidatëve të përzgjedhur dhe shumë suksese!

Me mirënjohje të thellë falënderoj çdo mik, bashkëpunëtor, qytetar, socialist dhe jo vetëm, për vlerësimin në mesazhet dhe telefonatat e orëve të fundit, që më bënë të kuptoj se më kishin menduar mes përfaqësuesve të mundshëm. Pavarësisht se nuk jam pjesë e listës për arsye që nuk varen nga unë, angazhimi im për qytetin dhe qarkun tonë mbetet i palëkundur. Politika nuk është vetëm një mandat, por mbi të gjitha një përgjegjësi për t’ju përfaqësuar me ndershmëri dhe përkushtim.

Unë do vazhdoj të jem pranë jush, të dëgjoj shqetësimet tuaja dhe të kontribuoj për punë të mira që do t’i realizojmë bashkërisht. Besimi dhe mbështetja juaj më motivojnë të vijoj përpjekjet për punë të mira.

Suksese të gjithëve për fitoren e 11 majit! Për Shqipërinë.

Me respekt dhe mirënjohje për të gjithë ju!”,-shkruan Jole./CNA

 

 





Lajmet e fundit nga