web counter
LEXO PA REKLAMA!

SHKARKO APP

App Store
Google Play

E fundit!

x

1 miliard euro për Shqipërinë nga Plani i Rritjes/ Kos: Shpresoj ta ratifikojnë

13 Mars 2025, 12:23, Politikë CNA

1 miliard euro për Shqipërinë nga Plani i Rritjes/ Kos: Shpresoj

Në konferencën e përbashkët me Komisoneren për Zgjerimin, Marta Kos, kryeministri Rama ka folur për Planin e Rritjes, marrëveshjet e të cilit janë sot në Parlament. Rama iu drejtua Kos duke i thënë “duam lekët tona”, referuar 1 miliard eurove që janë të dedikuara për Shqipërinë në këtë plan.

 

“Parlamenti i Shqipërisë ka në tryezë sot marrëveshjet financiare për Planin e Rritjes që i hapin rrugë dhe fillimit të financimit të fondeve që janë rreth 1 miliard euro të dedikuara për Shqipërinë. Kështu që, e dashur Marta, ne duam lekët tona”, tha Rama.

 

Komisionerja Kos tha se 1 miliard eurot e dedikuara për Shqipërinë në Planin e Rritjes do të jepen një pjesë si grante dhe pjesa tjetër hua. Kos u shpres se shpreson në ratifikimin e marrëveshjeve ekonomike ditën e sotme nga Parlamenti.

 

“Po, unë shpresoj që ne sot do të kemi ratifikim në parlament të të dyja marrëveshjeve, të cilat janë të domosdoshme në mënyrë që ne t’i japim Shqipërisë shifrën 1 miliard euro, një pjesë në hua, një pjesë tjetër me grante, në mënyrë që të kryhen të gjitha reformat e domosdoshme për Shqipërinë, por edhe për të bërë të mundur që ju të jeni gati për të qenë shtet anëtar. Sepse ky është edhe objektivi kryesor i Planit të Rritjes, që është edhe pjesë e integrimit gradual ku ju po ecni vërtetë shumë mirë. Ju keni thënë shumë herë në të shkuarën që do të ishte gjë e mirë sikur vendet kandidate përpara se të bëheshin shtete anëtare të bëhen pjesë e BE-së me anë të rrjeteve të ndryshme. Për shembull kjo po ndodh me SEPA-n, kjo po ndodh gjithashtu edhe me korridoret e gjelbra, po ashtu edhe me planin e rritjes. Dhe më ka lënë shumë, shumë mbresa në fakt edhe reputacioni juaj për mikpritjen, për mirësinë dhe ma kishin thënë këtë gjë më parë, por unë e kam përjetuar tashmë dhe nuk është thjeshtë puna se si më keni pritur, por se si keni pritur Kolegjin e Europës, edhe se si Parlamenti Europian ka vendosur që të hapë zyrën e vet rajonale pikërisht këtu në Tiranë. Pra, bëhet fjalë për bashkëpunimin rajonal, bashkëpunimin rinor”, tha Kos.





Lajmet e fundit nga