web counter
LEXO PA REKLAMA!

SHKARKO APP

App Store
Google Play

E fundit!

x

Pas humbjeve të njëpasnjëshme në politikë/ Basha: Nuk largohem edhe po humba në zgjedhjet e 11 majit

13 Mars 2025, 12:20, Politikë CNA

Pas humbjeve të njëpasnjëshme në politikë/ Basha: Nuk

Lulzim Basha ka reaguar sot sa u përket listave të kandidatëve për zgjedhjet parlamentare të 11 majit. Basha deklaroi para mediave se nuk largohet nga politika dhe koalicioni Euroatlantik edhe nëse humb në këto zgjedhje.

Edhe pse Basha vetëm se ka humbur në mënyrë të përsëritur, thekson se nuk ka ndërmend të largohet nga politika. Pra sërish mund të humbasë, e sërish nuk do të ikë.

Basha nuk ngurroi të komentonte edhe listën e PS-së dhe Edi Ramës, që e quajti listë halli.

“Humbjen nuk e shoh personale.

Nuk largohem edhe po humba.

Listat e koalicionit Euroatlantik do të shërbejnë me nder tek ata qytetarë që do t'i zgjedhin.

Është ditë lehtësimi i atyre që bashkë me mua kanë qëndruar përballë një uragani shpifjesh që partia të mos ishte pjesë e zgjedhjeve.

Nuk jemi në këtë kauzë të madhe për interesa të vogla, por për qytetarët.

Ata që janë futur për një grup deputetësh do të bëhen pishman që po e shndërrojnë një pjesë të opozitës në një garnizon.

Por nuk ia dalin të deformojnë votën opozitare.

Është qeveria më e korruptuar e këtyre 35 viteve.

Lista e Ramës është listë halli.

Gjysmën i ka gati për burg para dhe pas 11 majit.

Është listë mumiesh.

Një grusht servilësh që kanë vrarë edhe më fanatikët e partisë”,-tha Basha./CNA





Lajmet e fundit nga