web counter
LEXO PA REKLAMA!

SHKARKO APP

App Store
Google Play

E fundit!

x

“Besoj në meritokraci”/ Genci Shehaj: Do të kandidoj në listën e hapur të Partisë Mundësia

13 Mars 2025, 15:36, Politikë CNA

“Besoj në meritokraci”/ Genci Shehaj: Do të kandidoj

Genci Shehaj ka bërë me dije se do të kandidojë në listën e hapur të Partisë Mundësia për qarkun Korçë. 

Në një reagim në rrjetet sociale, Shehaj është shprehur se beson në meritokraci dhe jo në lidhjet dhe favoret që kanë udhëhequr partitë e vjetra.

“Kam vendosur të jem pjesë e listës së hapur të Partisë Mundësia, një parti e porsalindur, që ka si mision të sjellë një ndryshim të vërtetë në politikën shqiptare. Besoj në meritokraci, një sistem ku individët vlerësohen për aftësitë dhe angazhimin e tyre, jo për lidhjet dhe favore që shpesh udhëhoqën partitë e vjetra.

Qytetarët janë lodhur nga 2 partitë e vjetra, të cilat kanë sunduar politikën për shumë vite dhe kanë dështuar të sjellin zhvillim të qëndrueshëm dhe mundësi reale për popullin shqiptar. Partia në pushtet, pas 3 mandateve, ka lënë pas varfëri, shpopullim dhe mungesë mundësish për të rinjtë, veçanërisht në Qarkun Korçë.

Për mua, kjo nuk është një garë e shkurtër, por një maratonë. Angazhimi im është i qartë: Dua të kontribuoj dhe të jap gjithçka për të ndihmuar në forcimin e Partisë Mundësia dhe për të ofruar një mundësi të re dhe të drejtë për qytetarët.

Ky është një hap i rëndësishëm për të sjellë një ndryshim të thellë dhe të vërtetë, duke ofruar mundësi të barabarta dhe qeverisje të ndershme, të përgjegjshme dhe të qëndrueshme. Bashkë mund t’ja kthejmë shkëlqimin e dikurshëm Korçës. Për një Korçë më të zhvilluar dhe më të drejtë!”, shkruan Genci Shehaj./ CNA





Lajmet e fundit nga