"Top Channel" kthehet në zyrë shtypi dhe propagande e Bashkisë Tiranë/ E pranon Grida Duma

13 Mars 2025, 21:18, Politikë CNA

"Top Channel" kthehet në zyrë shtypi dhe propagande e

Në seancën 7 orëshe në Apelin e GJKKO ndaj kryebashkiakut të arrestuar për korrupsion dhe pastrim të produkteve të veprës penale , Erion Veliaj, prokurorët paraqitën prova dhe faktet të reja kundër kryebashkiakut.

Pas përfundimit të seancës CNA mësoi se provat dhe faktet e reja kishin të bënin me disa përgjime ambientale e telefonike të Veliajt i cili në komunikimet me vëllain e tij përmend dhjetëra emra personazhesh të njohur mes tyre Lori Hoxhën, Grida Dumën, Mero Bazen dhe Carlo Bollinon, se si Veliaj urdhëronte që të ushtrohej presion dhe sulmoheshin prokurorë dhe gjyqtarë.

Ekskluzive-Zbulohen faktet dhe provat e reja të SPAK-ut kundër Erion Veliajt
11 Mars, 18:20

Pas këtyre fakteve të publikuara nga CNA, ka reaguar Grida Duma, në emisionin Top Story.

Duma deklaron në emision se për intervistën e bërë me Veliajn në 27 shkurt, redaksia e Top Storyt ishte kontaktuar nga zyra e shtypit të Bashkisë.

"Intervista e datës 27 shkurt ka qenë një intervistë ekskluzive për Top Storyn, e cila i është drejtuar redaksisë së Top Storyt dhe jo mua, në fakt zyra e shtypi të bashkisë.
Një nga rastet me protokollare të mundshme sepse le të jemi të vërtetë nuk ndodh gjithmonë kështu. Pra kur kërkohet ndonjë intervistë mundet që flitet menjëherë me autorin e emisionit, me moderatoren e emisionit.

Unë nuk kam detyrë në fakt t’i tregoj askujt ndonjë komunikim, as stafet nuk kanë detyrë por ajo që kam unë nevojë morale për kredibilitetin e këtij institucioni që është kjo media, është t’i tregoj publikut standardin moral me të cilin vendosen gjithë politikanët.
Një gjë është e sigurt që ne flasim me gjithë politikanët kjo nuk do të kishte qenë asnjë çudi, që s’kemi folur në rastin konkret as me Erion Veliajn unë jo e jo me zotërinë që është i vëllai që nuk e njoh fare dhe nuk ka folur as redaksia por ka folur Bashkia Tiranë me redaksinë e Top Storyt. Që në Top Story do të vijë Erion Veliaj x, y apo zeta nuk është habi.

Komunikimi ka qenë me redaksinë. I kemi dërguar ne 5 pyetje një herë me zë pastaj i kemi zbardhur dhe ia ka çuar përsëri redaksia Bashkisë së Tiranës”, tha Duma ndër të tjera.

Në fakt nga e gjithë kjo deklaratë e Grida Dumës tregon vetëm një gjë, që Top Channel është kthyer në zyrën e shtypit të Bashkisë.

Sepse do stafi i Bashkisë ta kontaktojë dhe çfarë? Sa stafe mund ta kontaktojnë një televizion pse ka reaguar ky teelvizion? Çfarë halli ka pasur, cilat kanë qenë përfitimet që ka marrë pastaj?

Për çfarë arsye ky televizion i është ofruar menjëherë Erion Veliajt? Që stafi i bashkisë e ka kontaktuar dhe një nga emisionet politike kryesore në vend në një nga televizionet kombëtare dorëzohet direkt përballë Erion Veliajt, për çfarë arsye? Është media vasale e Erion Veliajt, në shërbim të kryebashkiakut?

Ku është parë e dëgjuar se mori zyra e shtypit të Bashkisë dhe ne i dhamë hapësirë përtej atyre që janë folur në përgjime që CNA do i sjellë së shpejti të plota dhe pa censurë.

Pra, të gjitha këto detaje të thëna nga vetë Grida Duma publikisht dëshmojnë faktin se si Top Channel është kthyer në zyrën e shtypit të Erion Veliajt./ CNA