E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

Projektet e PD-së për infrastrukturën/ Berisha: Do të ndërtojmë hekurudhën Tiranë-Prishtinë

14 Mars 2025, 15:15, Politikë CNA

Projektet e PD-së për infrastrukturën/ Berisha: Do të

Kreu i Partisë Demokratike, Sali Berisha, u ndal sot te projektet infrastrukturore të vendit. Në konferencën e së premtes me gazetarët, Berisha deklaroi se pjesë e projekteve të mëdha të PD-së është edhe ndërtimi i hekurudhës Tiranë-Prishtinë.

Gjatë fjalës së tij, Berisha tha se kjo është një ide e vjetër që do ta bëjë lidhjen e kombit edhe më të fortë.

Berisha shtoi se veç hekurudhës, plani për unazën që lidh disa prej qyteteve të vendit do të jetë një nga projektet me përparësi të madhe të infrastrukturës në synimet e PD-së.

“Hekurudha Tiranë-Prishtinë është projekti më madhor pas Rrugës së Kombit në infrastrukturën e Shqipërisë, që lidh dy vendet tona, por edhe brigjet shqiptare i bën brigjet më të rëndësishme se të gjithë detet e tjera.

Kjo hekurudhë është një ide e vjetër, që nga Perandoria Otomane e viteve 1880 kur solli hekurudhën në Ferizaj. Kjo hekurudhë ishte një ide e Perandorisë Austro-hungareze.

Kjo hekurudhë u rikthye në tryezë në vitet 2005-2013, kjo hekurudhë do ndërtohet gjatë mandatit të ardhshëm.

Do ndërtohet. Kombi do ketë edhe lidhjen e fortë, të shkurtër hekurudhore.

Po! Unaza e Shqipërisë do të jetë projekt tjetër madhor infrastrukturor.

Të dashur miq, në vitet 2005-2007, në zbatim të këtij projekti ne ndërtuam dhe rindërtuam rrugë nga Valbona gjer në segmentin Korçë-Ersekë, të cilin e filluam dhe ndërtuam 18 kilometrat e parë.

Kjo unazë do zbriste, do shkonte në Kolonjë, Leskovik, Përmet, Kardhiq, Delvinë. Do rikthehej rruga e bregut, e cila u rindërtua dhe do ndiqte bregun për të dalë në Velipojë dhe për të ecur drejt Hanit të Hotit dhe Vermoshit.

Në ndarjen e vjetër administrative, kjo unazë bashkonte dy të tretat e komunave të vendit. Kjo unazë, e tëra në zonat malore përveç ultësirës bregdetare, bënte disponibël të gjitha pasuritë e mëdha dhe potencialet turistike, bujqësore, blegtorale, etj., të dy të tretave të Shqipërisë.

Unaza me fjalë të tjera urbanizon të gjithë periferinë e Shqipërisë.

Ajo bën të mundur që çdo qendër komune në ndarjen e vjetër, të lidhet me akset kombëtare në kohë 20 minuta.

Këto janë vetëm disa nga projektet me përparësi të madhe të infrastrukturës në 4-vjeçarin që vjen.

Projekte të tjera të mëdha do të vazhdojnë",-tha Berisha./CNA