web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi-Ministrat e Ramës 27 shkelje të Kodit Zgjedhor, KQZ asnjë masë ndaj tyre

15 Mars 2025, 11:19, Politikë CNA

Denoncimi-Ministrat e Ramës 27 shkelje të Kodit Zgjedhor, KQZ

Zëdhënësja për Antikorrupsionin në PD, Genta Vangjeli, bëri me dije se janë denoncuar 27 raste shkeljeje të Kodit Zgjedhor nga ministrat e qeverisë Rama, të cilat janë referuar në KQZ.

Në një deklaratë për mediat, Vangjeli thekson se ende nuk është marrë asnjë masë konkrete nga KQZ-ja për shkelësit e Kodit Zgjedhor, duke cenuar kështu mbarëvajtjen e procesit zgjedhor dhe sigurinë për një garë të ndershme në zgjedhjet e 11 majit.

“Mbështetur në të dhënat e administruara nga PD lidhur me evidencat tona që kanë të bëjnë me shkelje administrative gjatë procesit të deritanishëm parazgjedhor, bëjmë me dije se:

Deri tani janë denoncuar pranë Komisionit Qendror të Zgjedhjeve 27 raste të cilat lidhen me shkelje të kryera nga zyrtarë të kabinetit qeveritar si Belinda Balluku, Ogerta Manastirliu, Blendi Gonxhe, apo të tjerë zyrtarë përfaqësues të institucioneve shtetërore qendrore dhe vendore.

Për këto 27 raste ankimimi KQZ ka vendosur: Pranimin e tyre dhe fillimin e hetimit administrativ për 16 raste; Mosfillim hetimi për 6 raste; Pushim të hetimit për 2 raste. Për të gjitha rastet për të cilat ka nisur hetim administrativ nuk kemi ende masat penalizuese të marra nga Komisioni Qendror i Zgjedhjeve.

Partia Demokratike kërkon nga KQZ marrjen e masave konkrete për shkeljet e evidentuara dhe shkelësit konkretë për të penguar kryerjen e veprimtarive publike të ndaluara sipas Kodit Zgjedhor të RSH, Vendimit nr.9/2020 të Komisionit Rregullator, veprime këto të cilat nuk sigurojnë mbarëvajtjen e procesit zgjedhor dhe cenojnë zhvillimin e një gare të ndershme dhe të barabartë ndërmjet palëve për zgjedhjet parlamentare të 11 majit”, tha Vangjeli./ CNA





Lajmet e fundit nga