E fundit!

16:00 Aktualitet

“Të shtyhet afati i komisionit”/ Zhupa te “Territorialja”: Duhet mendimi i ekspertëve ndërkombëtarë për ndarjen e re

Deputetja e Partisë Demokratike, Ina Zhupa, ka kërkuar në ...

Kandidon për deputet në Vlorë/ Mjeku Vasil Llajo: E shoh si mundësi për ndryshim

14 Mars 2025, 22:04, Politikë CNA

Kandidon për deputet në Vlorë/ Mjeku Vasil Llajo: E shoh si

Mjeku i njohur Vasil Llajo ka njoftuar sot vendimin e tij për tu angazhuar politikisht, duke u përfshirë në garën zgjedhore të 11 majit, si kandidat në listën e hapur të Partisë Socialiste në qarkun e Vlorës.

Llajo shprehet se këtë vendim e konsideron si një mundësi për ndryshim. Në një deklaratë, Llajo thotë se edhe pse kishte qenë në dilemë nëse duhet të angazhohej në politikë, pas një reflektimi të gjatë vendosi të pranojë sfidën.

Llajo thekson se ky është një vendim që nuk ndikon në profesionin e tij, pasi me hyrjen në politikë nuk do ta braktisë mjekësinë.

“Ishte një vendim i vështirë, sepse angazhimi në politikë kërkon përkushtim dhe përgjegjësi. Megjithatë, besoj se është momenti i duhur për të dhënë kontributin tim në një fushë që më është shumë e afërt. Mjekësia mbetet pasioni im dhe do të vazhdoj ta ushtroj atë. Politika do të jetë një shtesë, jo një zëvendësim për profesionin tim",- tha Llajo.

Duke folur për garën elektorale, Llajo e bëri të qartë se janë qytetarët ata që do të vendosin për të ardhmen e tij politike.

“Në fund të fundit, është elektorati që vendos. Nëse ata më besojnë përfaqësimin e tyre, do të jem aty për t’i shërbyer. Nëse jo, unë mbetem mjeku i tyre, ashtu siç kam qenë gjithmonë,” theksoi ai.

Ai nënvizoi se nuk është e pazakontë që partitë politike të ftojnë intelektualë dhe profesionistë për të dhënë kontributin e tyre në Parlament.

“Forcat politike gjithmonë kërkojnë përfaqësues me integritet dhe eksperiencë. Nuk është çudi që më është bërë një ftesë, por vendimi për të pranuar ishte i imi”- tha Llajo.

Një fokus i pandryshuar: Politika mjekësore

Në lidhje me qëllimet e tij, Llajo theksoi se fokusi kryesor do të mbetet shëndetësia.

“Nuk do të bëj politikë për hir të politikës. Qëllimi im është të sjell ndryshime në sistemin shëndetësor, të mbroj interesat e pacientëve dhe të kolegëve të mi. Nuk do të largohem nga parimet e mia profesionale”,-tha ai.

Ai gjithashtu bëri të qartë se politika për të nuk është një mjet për përfitim personal, por një hap për të dhënë kontributin e tij.

“Ky është një angazhim për të ofruar, jo për të marrë. Politika duhet të shërbejë për të mirën e qytetarëve, jo për interesa personale”,- u shpreh mjeku.

Një betejë e vështirë, por me qasje qytetare

Duke qenë i vetëdijshëm për sfidat që e presin në politikë, Llajo pranoi se do të përballet me kritika dhe sulme.

“Jam i ndërgjegjshëm se do të ketë hedhje balte ndaj meje, por unë do të mbaj një qasje të qytetëruar. Nuk do të përfshihem në retorikë të ashpër apo përplasje të kota. Do të mbroj idetë e mia me fakte dhe argumente,”- tha ai.

Ai theksoi se do të jetë vetvetja në këtë garë dhe nuk do të ndikohet nga prirjet politike të të tjerëve.

“Nuk ka rëndësi nëse një forcë politike është e majtë apo e djathtë. Ajo që ka rëndësi është se çfarë mund të bëjmë për të sjellë zhvillim dhe ndryshim të vërtetë,”- theksoi ai.

Angazhim i vazhdueshëm në mjekësi

Llajo përmbylli deklaratën e tij duke theksuar se, pavarësisht rezultatit të zgjedhjeve, mjekësia do të mbetet përkushtimi i tij kryesor.