web counter
LEXO PA REKLAMA!

SHKARKO APP

App Store
Google Play

Problemet me transparencën dhe aksesin/ Dogjani: Banka e Shqipërisë të kryejë kontrolle

17 Mars 2025, 13:40, Politikë CNA

Problemet me transparencën dhe aksesin/ Dogjani: Banka e

Deputeti i Partisë Demokratike, Asllan Dogjani, ka kërkuar sot që Banka e Shqipërisë të kryejë kontrolle të shumta, pasi në bankat e nivelit të dytë ka probleme me transparencën dhe aksesin, gjë që vështirëson qytetarët.

Në fjalën e tij në Kuvend, Dogjani theksoi se ky problem ekziston edhe në institucionet e tjera financiare që operojnë në vendin tonë.

Dogjani tha se duhet të shtohet mbikëqyrja nga Banka e Shqipërisë, pasi janë krijuar shumë mekanizma që u kanë sjellë shqiptarëve probleme me bankat.

“Qytetarët vuajnë në bankat tona, s’ka transparencë bankare, komisione e kaluzola të fshehta. Institucione financiare, e ndërsa ju që duhet t’i mbikëqyrni s’keni bërë asgjë. Saqë shumë familjeve u janë marrë shtëpitë, të tjera edhe janë flijuar e vetëvrarë për shkak të këtyre makinacioneve. Banka ka rregullat e veta, por ka edhe mbikëqyrje nga banka e shtetit që të mos ketë norma të larta interesi që të rinjtë të marrin kredi për një banesë për të ndërtuar familje.

Ka lloj-lloj mekanizmash që ua keni sjellë shqiptarëve me i dalë shpirti përmes këtyre bankave e vetë s’dini ku i keni paratë, biznesi po falimenton nga këto kredi për banka. Taksat e larta i detyrojnë të marrin kedi që më pas s’i paguajnë, shteti është për të kontrolluar që njerëzit të marrin kredi për biznes e shtëpi, e më pas të kenë mundësi të paguajnë",-tha Dogjani./CNA

 





Lajmet e fundit nga