E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Jenishehri braktis koalicionin e Berishës/ "Jam i zhgënjyer"

18 Mars 2025, 08:07, Politikë CNA

Jenishehri braktis koalicionin e Berishës/ "Jam i zhgënjyer"

Selami Jenishehri

Një nga aleatët e kreut të PD-së Sali Berisha, Selami Jenishehri, ka konfirmuar largimin e tij nga koalicioni PD-Aleanca për Shqipërinë Madhështore.

Në një dalje televizive në "MCN TV", Jenishehri është shprehur se ndihet i zhgënjyer.

Ai ka deklaruar se sekretari i Përgjithshëm, Flamur Noka, i kërkoi firmën dhe i premtoi se do të bisedonin, por në fund ka rezultuar se nuk është zhvilluar asnjë mbledhje dhe nuk është pyetur për asgjë.

Madje Jenishehri shprehet se nuk ka asnjë kandidat në listë duke deklaruar se është gënjyer dhe ndihet i zhgënjyer.

Jenishehri e ka cilësuar koalicionin e Berishës një gënjeshtër.

Pjesë nga biseda

Ylli Rakipi: Si hytë në koalicion me Sali Berishën? Kush ju kërkoi dhe ç’negociata bëtë?

Selami Jenishehri: Ne na thirri Luçiano Boçi, 6-7 parti, për të bërë koalicion. Unë thashë do të pyes kryesinë dhe ramë dakord. Thanë do t’ju thërrasim, do të bëjmë mbledhje do të flasim për hollësitë. Këta të rrejnë. Asnjë mbledhje nuk kanë bërë.

Ylli Rakipi: Vetëm Boçi ju ka thirrur?

Selami Jenishehri: Këto janë muhabete kot.

Ylli Rakipi: Sa kohë u vonove për të dhënë përgjigje për koalicionin?

Selami Jenishehri: Asnjë mbledhje e 26 partive nuk është bërë. Asnjëherë nuk është mbledhur ai koalicion. Kur vjen puna, më kanë lënë deri në orën 20:00, kur janë dorëzuar listat nuk më kanë thirrur. Pastaj Noka më tha Selami firmos që je në koalicion, për të tjerat flasim nesër.

Ylli Rakipi: Uaa, vure firmën? Me një firmë shkon brenda…

Selami Jenishehri: Pa firmë isha jashtë koalicionit. Por dokumenti është i falsifikuar.

Ylli Rakipi: Do paditësh doktorin?

Selami Jenishehri: E kam aprovuar unë këtë listë? Aty thotë lista e kandidatëve të koalicionit.

Ylli Rakipi: Ti e hodhe firmën në letër të bardhë?

Selami Jenishehri: Unë kam thënë jam dakord me hy në koalicion, por listën nuk ma paraqiti mua kush.

Denis Dyrnjaja: Tani do tërhiqeni?

Selami Jenishehri: Unë nuk jam në atë koalicion dhe as nuk ka shans derisa ti nuk më respekton. Prandaj unë jam në gjykatë.

Ylli Rakipi: Pse vajte në gjykatë? Përfundimisht nuk je ti në asnjë listë?

Selami Jenishehri: As më pyeti kush asgjë. Unë nuk jam pjesë e atij koalicioni, kur nuk më ka thirrur dhe as më thërret.

Ylli Rakipi: Uaaa. A ke pyetur ndonjë jurist? Ti e ke emrin aty?

Selami Jenishehri: Kush e ka firmosur? Unë vura firmë që jam dakord për pjesë e koalicionit, por nuk më ka pyetur njeri mua për listën.

Ylli Rakipi: Je në KQZ?

Selami Jenishehri: Nuk jam, kam dalë nga ai koalicion.

Denis Dyrnjaja: A ke mesazh për Berishën?

Selami Jenishehri: I nderuar zoti Sali Berisha, qëndrimi juaj për partitë, 26 aleatë, që pretendon se ky është koalicioni më i madh i mundshëm. Aleanca e Shqipërisë Madhështore është një gënjeshtër që i drejton popullit shqiptar. Mua dhe aleatët nuk na ka thirrur njeri dhe nuk ka marrë mendim për listat dhe asgjë.

Ylli Rakipi: Ore mos të kanë thirrur këta të majtët ty dhe të marrin?

Denis Dyrnjaja: Berisha do të thotë të bleu Rama.

Selami Jenishehri: Kjo letër tregon se zgjedhjet e 11 majit janë të paligjshme.../ CNA