web counter
LEXO PA REKLAMA!

SHKARKO APP

App Store
Google Play

E fundit!

x

“Ik me vrap se erdhi Lul suferina”/ Rama nuk ndalet së talluri Bashën

18 Mars 2025, 10:38, Politikë CNA

“Ik me vrap se erdhi Lul suferina”/ Rama nuk ndalet së talluri

Kryeministri vijon talljen me Luli Bashën, i cili prej pak ditësh po përpiqet të ironizojë Ramën, por në fakt është kthyer në një “meme”.

Rama i është përgjigjur sërish në rrjetet sociale Luli Bashës, i cili një ditë më parë i jepte këshilla për gjumin dhe i tregonte se kishte mbetur pa shokë se i kishte te "313"-ta.

Ndërsa kryeministri i kujton se si u flak në rrugë nga besnikët e tij.

Më tej Rama i përgjigjet për faktin pse kandidon në listë të mbyllur duke u tallur keqazi me Luli Bashën.

Përgjigjja e Ramës.

Ej po prapë përgjumësh ti mor burrë. Po si ka mundësi? Pyeta unë për ty, kur ti më çove video, o Rame ku je, o Rame ku je. I madh je.

Ej, ti në listë të hapur ëë. I fortë je, bravo. Po inshalla po ta beson njeri këtë, atë hall kam unë se për mua 'ok'. Sa deputetë do të nxjerrësh në Tiranë apo të gjithë?

Ma thuaj pak këtë se mezi po pres. E thashë mo Lul. Do të jem në listë të hapur kur m’rrejti mendja se ti nuk kishe për t'u zgjuar për këtë vit, por kur pashë që dole ti në fushë thashë moooos. Ik me vrap, shko futu mbyllu aty në listë se erdhi Lul suferina. Ik Ed Rama se po të merr para siç të ka marrë sa herë i ke dalë në atë rrugën e vet të “fitoreve” të njëpasnjëshme.

E mër Lul nuk i kupton dot ata që nuk i zë gjumi. Ça të të them unë ty. Ti ke lind me këmishë nate mo vlla. Është i dashuruar gjumi me ty, nuk të ndahet. Ndërsa mua nuk më do hiç gjumi, jo. Thotë dua Lulin, dua Lulin.

Jo më jo se nuk të përgjigjesha, thjesht nuk desha të të lëndoj. Ti për vete je jetim fare. Të ikën të gjithë, në fakt ikën ata apo ike ti?

Më duket se të nxorën ata nga shtëpia në rrugë tek pullë po ti ahaa. Buza vesh më vesh, flokët pik, njësoj sikur fitoje me mua dhe më thua ku i ke shokët.

PS është shtëpi e madhe Lul, një bie e mijëra ngrihen. Prit-prit sa do të ngrihen në 11 maj. Po euroatlantikët? Atyre si do t'u shkojë puna thuaj? Hajde artist, forca aty me euroatlantikët. Po si the, do u heq vizat amerikane?

Ore, shiko, po kjo Aleanca madhështore si të duket, më qafsh?/ CNA





Lajmet e fundit nga