web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshje trepalëshe ushtarake/ Shqipëria, Kosova dhe Kroacia nënshkruajnë bashkëpunimin

18 Mars 2025, 11:06, Politikë CNA

Marrëveshje trepalëshe ushtarake/ Shqipëria, Kosova dhe Kroacia

Ministri i Mbrojtjes, Pirro Vëngu, homologu i Kosovës, Ejup Maqedonci, dhe homologu i Kroacisë, Ivan Anuši?, nënshkruan sot në Tiranë një marrëveshje trepalëshe ushtarake, me fokus forcimin e aftësive mbrojtëse të tri vendeve.

Synimi i kësaj marrëveshjeje është të rrisë bashkëpunimin në industrinë e mbrojtjes dhe të përmirësojë ndërveprimin ushtarak përmes edukimit, trajnimeve dhe stërvitjeve të përbashkëta.

Bashkëpunimi synon forcimin e aftësive mbrojtëse të tri vendeve, zhvillimin e industrisë dhe teknologjisë së mbrojtjes, si dhe përmirësimin e ndërveprimit ushtarak në rajon.

Ky zhvillim strategjik pasqyron aleancën e ngushtë mes tri shteteve, të lidhura nga historia, sakrificat për liri dhe një vizion i përbashkët për një të ardhme të sigurt.

“Kemi një vlerësim të përbashkët të kërcënimeve në një mjedis sigurie të brishtë. Në këtë kontekst, angazhimi ynë për zhvillimin e kapaciteteve tona mbrojtëse, është më i fortë se kurrë,” - theksoi ministri Vëngu.

Gjithashtu, Shqipëria dhe Kroacia do të punojnë ngushtësisht për unifikimin e qëndrimeve politike në mbështetje të aspiratave të qytetarëve të Kosovës për integrim të plotë në strukturat rajonale dhe euroatlantike.

Ministrat Anuši? dhe Maqedonci e vlerësuan këtë marrëveshje si një hap të rëndësishëm për forcimin e sigurisë dhe stabilitetit në rajon, si dhe për zhvillimin e kapaciteteve në përballimin e rreziqeve dhe sfidave të përbashkëta./CNA 

 

 





Lajmet e fundit nga