web counter
LEXO PA REKLAMA!

SHKARKO APP

App Store
Google Play

E fundit!

x

Kandidatët e PS-së në Berat/ Rama: Nuk do të hyjnë në garë me interferenca

18 Mars 2025, 16:44, Politikë CNA

Kandidatët e PS-së në Berat/ Rama: Nuk do të hyjnë

Kryeministri Edi Rama zhvilloi këtë të martë një takim në Berat, ku po prezanton kandidatët për deputetë dhe planin e Partisë Socialiste për këtë qytet.

Në fjalën e tij, kryeministri Rama tha se kandidatët duhet të jenë në dispozicion të PS-së dhe numrit 5.

Rama paralajmëroi se kandidatët nuk do të hyjnë në garë me interferenca.

Kryeministri shtoi se për Beratin, PS ka 7 mundësi kandidatësh në listë për 6 vende për deputetë.

“Duhet të jenë në dispozicion të PS-së dhe numrit 5.

Ky numër më pëlqeu shumë se ështe si 5-1.

Nuk do hyni në garë me interferenca.

Nuk bëhet fjalë për deputetë të asaj zonë ngushtësisht.

Dhe kjo vlen për të gjithë.

Është e drejta juaj të keni preferencë, por ne kemi këtu 7 mundësi në listë për 6 vende.

Dhe është absolutisht e pakuptimtë të thuhet ndryshe.

Kemi respektuar moshat, gjinitë.

Këtu mund të ishin 7 të tjerë, por në fund të ditës nuk duhet harruar se zgjedhja është PS dhe Edi Rama, pastaj një preferencë nga lista”,-tha Rama.

Rama, gjatë fjalës së tij, nuk ngurroi të bënte batuta edhe me deputetin e Beratit, Fadil Nasufi.

“Fadili është specie në zhdukje.

Kur u bë biseda për listat, i thashë se të gjithë burrat nuk mund të jenë në lista ,nesë nuk kanë mandat ose rol drejtues.

Ata që mendojnë se mund ta kalojnë Fadilin, kjo është maratonë”,-tha Rama./CNA





Lajmet e fundit nga