web counter
LEXO PA REKLAMA!

SHKARKO APP

App Store
Google Play

E fundit!

x

Përgatitjet për zgjedhjet e 11 majit/ Celibashi, takim me drejtorin e policisë

18 Mars 2025, 15:16, Politikë CNA

Përgatitjet për zgjedhjet e 11 majit/ Celibashi, takim me drejtorin e

Kryetari i Komisionit Qendror të Zgjedhjeve, Ilirjan Celibashi, ka bërë të ditur se ka zhvilluar një takim me drejtorin e Përgjithshëm të Policisë së Shtetit, për përgatitjet e zgjedhjeve të 11 majit.

Celibashi shkruan se ky takim kishte në fokus detyrimet e policisë për garantimin e një procesi zgjedhor të sigurt.

Në postimin e bërë, kryekomisioneri shkruan se u theksua rëndësia e bashkëpunimit mes KQZ-së, policisë, SPAK-ut dhe Prokurorisë së Përgjithshme për periudhën zgjedhore, në mënyrë që të parandalohet çdo shkelje.

 

“Sot, në KQZ Shqipëri, zhvilluam një takim me Drejtorin e Përgjithshëm të Policia e Shtetit, z. Ilir Proda, në kuadër të përgatitjeve për zgjedhjet e ardhshme. Diskutimet u përqendruan në koordinimin ndërinstitucional dhe detyrimet ligjore të Policisë së Shtetit për të garantuar një proces zgjedhor të sigurt, të qetë dhe në përputhje me standardet demokratike.

Në veçanti, u theksua rëndësia e bashkëpunimit mes KQZ-së, Policisë së Shtetit, SPAK dhe Prokurorisë së Përgjithshme, në kuadër të Protokollit të Koordinimit për periudhën zgjedhore. Ky bashkëpunim synon parandalimin dhe adresimin e çdo shkeljeje që mund të cënojë integritetin e procesit zgjedhor.

Gjatë takimit, diskutuam në detaje mbi:

Zbatimin e masave të sigurisë në të gjitha fazat e procesit zgjedhor.

Parandalimin dhe ndëshkimin e krimeve zgjedhore, në përputhje me ligjin.

Sigurimin e qendrave të votimit dhe të numërimit të votave, duke garantuar një mjedis të qetë për zgjedhësit dhe administratën zgjedhore.

Trajnimin e strukturave policore mbi detyrimet e tyre në kontekstin zgjedhor, me qëllim respektimin maksimal të ligjit dhe paanshmërisë.

Angazhimi i institucioneve përgjegjëse për mbarëvajtjen e zgjedhjeve mbetet thelbësor për të garantuar një proces të drejtë dhe të besueshëm për të gjithë qytetarët. KQZ do të vijojë bashkëpunimin e ngushtë me Policinë e Shtetit dhe organet e drejtësisë për të siguruar që çdo qytetar të ushtrojë të drejtën e tij për të votuar në një mjedis të sigurt dhe demokratik", thuhet në njoftim./ CNA





Lajmet e fundit nga