web counter
LEXO PA REKLAMA!

SHKARKO APP

App Store
Google Play

E fundit!

x

Gjetjet e draft-raportit për Shqipërinë/ Komisioni i PE-së vlerëson ecurinë e SPAK-ut

18 Mars 2025, 18:23, Politikë CNA

Gjetjet e draft-raportit për Shqipërinë/ Komisioni i PE-së

Këtë të martë, në Komisionin e Parlamentit Evropian për Punët e Jashtme janë diskutuar gjetjet e draft-raportit për Shqipërinë, të hartuara nga raportuesi dhe eurodeputeti austriak Andreas Schieder.

Schieder theksoi progresin e shpejtë të hapjes së Grup-kapitujve Themelore në tetor 2024.

“Kemi disa mesazhe kyçe në skenë. Një prej tyre është progresi i shpejtë i fundit i hapjes së Grup-kapitujve Themelore në tetor 2024 dhe Grup-kapitullit të Marrëdhënieve me Jashtë në dhjetor 2024 dhe plani i Shqipërisë për të hapur më tej kapituj në vijim gjatë vitit”,- u shpreh Schieder.

Schieder theksoi se duhet konsolidimi i reformave kundër korrupsionit.

“Kapërcimi i një polarizimi të brendshëm politik, duhet të forcohet shteti i së drejtës dhe gjithashtu konsolidimin e reformave kundër korrupsionit. Për reformat zgjedhore, duhet të adresohen dhe zbatohen gjithashtu rekomandimet e OSBE/ODIHR-it dhe gjithashtu duhet bërë më shumë progres për pavarësinë e medias”, -vijoi Schieder.

Gjetjet e draft-raportit për Shqipërinë/ Komisioni i PE-së

Schieder theksoi veçanërisht punën e bërë dhe ecurinë e SPAK-ut dhe vlerësoi progresin e mirë të bërë në zbatimin e Reformës në Drejtësi

“Progres i mirë është bërë në zbatimin e Reformës në Drejtësi, duke përfshirë procesin e Vettingut dhe ecurinë në rritje të SPAK-ut”,-tha Schieder.

Draft-raporti për Shqipërinë nënvizon “punën kyçe” të Strukturës së Posaçme Kundër Korrupsionit dhe Krimit të Organizuar të Shqipërisë (SPAK).

Kjo, sa i takon ndërtimit të një historie të hetimit, ndjekjes penale dhe dënimit në rastet e korrupsionit të nivelit të lartë duke paralajmëruar kundër cenimit të punës së saj.

Draft-raporti përshëndet fillimisht progresin që ka arritur Shqipëria në zbatimin e reformave në drejtësi, përfshirë procesin e vetingut, të përfunduar në shkallë të parë./CNA

 

 





Lajmet e fundit nga