web counter
LEXO PA REKLAMA!

SHKARKO APP

App Store
Google Play

Përmbajtja e fletës së votimit/ Celibashi: Do të jetë gati 1 muaj para fillimit të fushatës

18 Mars 2025, 18:08, Politikë CNA

Përmbajtja e fletës së votimit/ Celibashi: Do të jetë

Komisioneri shtetëror, Ilirjan Celibashi deklaroi sot nga Komisioni Qendror i Zgjedhjeve, se fleta e votimit për zgjedhjet e 11 majit do të jetë gati 1 muaj para fillimit të fushatës.

Celibashi tha se si asnjëherë tjetër më parë partitë kanë përmbajtjen e fletës së votimit gati në kohë para zgjedhjeve.

Sipas tij, kjo mbetet pjesa më e rëndësishme për kandidatët garues në zgjedhje.

“Qëndron argumenti për të patur një njëtrajtshmëri në shkrimin e emrave të kandidateve dhe çdo gjë tjetër që lidhet me kandidatët. Ajo që ngelet e rëndësishëm për kandidatët dhe forcat politike është që si asnjëherë tjetër më parë kanë përmbajtjen e fletës së votimit gati 1 muaj para fillimit të fushatës. Ndonjëherë na është dashur që të jetë fleta e votimit edhe në fushatë”,- tha Celibashi.

Celibashi tha se vendimmarrja e sotme konsistonte vetëm në përmbajtjen e fletës së votimit. Ai theksoi se më tej, do të bëhen edhe korrektimet e kandidatëve me dy mbiemra.

“Vendimmarrja e sotme konsistonte në përmbajtjen e fletës së votimit. Si do ishin kandidatët dhe si do shfaqeshin në fletën e votimit. Duke marrë në konsideratë propozimin e zotit Logu do ta miratojmë fletën e votimit për të 12 qarqe, duke bërë këto korrektimet e kandidatëve me dy mbiemra. Kjo do të jetë përmbajtje e fletës së votimit. Kjo është për Tiranën, ndërsa për qarqet e tjera do të bëhet publike”,-tha Celibashi.

Celibashi njoftoi se në javën e parë ose të dytë të prillit do të përfundojë procesi i shpërndarjes së fletëve të votimit për diasporën, duke siguruar se ata do të kenë mundësinë për të bërë zgjedhjen e tyre pa vonesa./CNA

 





Lajmet e fundit nga