web counter
LEXO PA REKLAMA!

SHKARKO APP

App Store
Google Play

E fundit!

x

Basha vërsul ushtarin e tij ndaj Berishës

19 Mars 2025, 08:37, Politikë CNA

Basha vërsul ushtarin e tij ndaj Berishës

Luli Basha i ka vërsulur ushtarin e tij kreut të PD-së, Sali Berisha, i cili ka ngritur akuza ndaj liderit të opozitës, kandidatëve dhe eksponentëve të tjerë të politikës.

Xhevdet Amuli, i cili në 2022-shin vraponte të kyçte derën i frikësuar nga demokratët, sot sulet sërish ndaj tyre duke i akuzuar se kanë marrë para nga Rama.

Ushtarin e Bashës e ka alarmuar deklarata e Berishës, i cili gjatë një takimi një ditë më partë në Shkodër u bëri thirrje qytetarëve që të mos çojnë asnjë votë për njerëzit e Bashës të lidhur me Ramën.

“Doktor, meqë erdhe në Shkodër, e kuptoj shqetësimin tënd që Koalicioni Euroatlantik po fiton më shumë mbështetje. Pse nuk i pyete shkodranët për Jozefinën, meqë e ke futur në listën e sigurt në Tiranë, çfarë mendojnë ? Sa lekë mori nga Rama në zgjedhjet e 2021 për t’i marrë vota PD-së në Shkodër?

Doktor, pse nuk i pyete shkodranët për shitjen e bashkisë dhe emërimin e Benet Becit, vartësit tënd dhe të Ramës, si kryetar, jo për shkodranët, por për interesat tuaja, që i di gjithë Shkodra?

Doktor pse nuk i pyete shkodranët çfarë mendojnë për futjen e Ilir Metës në listën tënde kur e ka arrestuar SPAK për korrupsion dhe fshehje pasurie?

E fundit Doktor për sonte, pyeti pak degën tënde në Shkodër se kujt ia kanë paguar 700 mijë euro dy nga kandidatët e tu në listën e mbyllur të Shkodrës!

Përgjigjen e di shumë mirë, prandaj je trembur sot.

Nuk do të të lëmë ta shesësh Shkodrën apet te Rama.

Natën, Doktor!”, shkruan Amuli./ CNA





Lajmet e fundit nga