Aleanca Berisha-Veliaj në përplasje me Ramën

20 Mars 2025, 09:20, Politikë CNA

Aleanca Berisha-Veliaj në përplasje me Ramën

Veliaj dhe Berisha, foto ilustruese

Gazetari Klodian Tomorri ka kryer një analizë të lëvizjeve më të fundit që tregojnë luftën që ka plasur mes kryeministrit Edi Rama dhe kryebashkiakut Erion Veliaj.

Ky i fundit ka emëruar besniken e tij, Sara Goxhaj, që të ushtrojë përkohësisht detyrën e kryetares së bashkisë, një detyrë që i ishte ngarkuar Anuela Ristanit nga Rama pas arrestimit të kryebashkiakut.

Pas kësaj Rama ka urdhëruar shkarkimin e Goxhajt për të rivendosur sërish në detyrë Anuela Ristanin.

Gazetari Klodian Tomorri thekson se kjo është një luftë. Sipas gazetarit, Veliajt iu desh një muaj në qeli për të kuptuar se kush ishte koka e komplotit.

“Fushate dhe komplote. Edi Rama caktoi Ristanin si mekembesen e vet per te drejtuar bashkine e Tiranes. Sot Veliaj nga burgu ka shkarkuar mekembesen e Rames dhe ka emeruar te veten. Kjo domethene lufte.

Me sa duket Lalit iu desh nje muaj ne qeli te kuptonte qe nuk ishte Ulsiu koka e “komplotit”. Por dikush tjeter e kishte kuptuar me heret. Dikush me eksperience shume te madhe ne keto gjera, dhe qe e di shume mire se si funksionojne intrigat e pallatit”, shkruan Tomori.

Nga ana tjetër Tomorri analizon dhe tonet e zbutura të kreut të PD-së, Sali Berisha, ndaj Veliajt, duke e quajtur këtë një aleancë të heshtur mes dyshes Berisha-Veliaj.

Berisha prej kohësh duket se është vënë në mbrojtje të Veliajt duke thënë se janë Rama dhe Ulsi Manja ata që e kanë futur në kurth sa u përket përgjimeve të bëra nga SPAK-u.

“Sali Berisha ka kohe qe ka zbutur tonet ndaj Erion Veliajt. Para dy tre ditesh madje tha qe nuk eshte puna qe te bejme Maks Haxhine ketu, por keta Veliajn e futen ne kurth me metodat e peshtira te sigurimit te shtetit.

Por a mund te funksionoje alenaca e heshtur mes Sali Berishes dhe Veliajt? Kjo eshte ende heret te thuhet.

Por per ironi te fatit, aleati i vetem potencial i Erion Veliajt ne majen e politikes sot, eshte Sali Berisha. Kush do ta mendonte?

Tani Veliaj duhet te jete i qarte per shume gjera. Pikesepari per ate se fantazma me emrin Nesti Angoni nuk mund te vinte ne levizje nje ingranazh aq te rende sa ai i drejtesise, pa dijenine e Komandantit Suprem.

Se dyti, qe dikush e perdori goditjen e tij, ose me sakte gabimin fatal te hyrjes ne lufte me prokuroret dhe gjyqtaret, duke ja komplikuar edhe me shume gjerat. Dhe sigurisht ky dikush nuk ishte ne opozite.

Aleancat ne politike jane fluide. Por me interesantet jane gjithmone ato te heshturat, mes armiqve qe dikur kane dashur te ekzekutojne njeri tjetrin”, deklaron Tomorri./ CNA