E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Fushata e 11 majit, ndryshimet mes PD dhe PS/ Kandidati për deputet i PD, Luan Baçi intervistë për CNA

20 Mars 2025, 16:22, Politikë CNA

Fushata e 11 majit, ndryshimet mes PD dhe PS/ Kandidati për deputet i PD,

Kandidati për deputet i PD për qarkun e Fierit Luan Baçi, në një intervistë për CNA ka folur për fushatën elektorale në prag të zgjedhjeve të 11 majit, por edhe ndryshimin mes PD dhe PS.

Sipas zotit Baçi, afrimi i zotit Chris LaCivita është një ngjarje historike, pasi do të ndihmojë në vënien në vend të padrejtësive të bëra ndaj PD nga mazhoranca.

Unë do ta quaja një ngjarje historike. Një ngjarje shumë e rëndësishme për PD për arsye se nisur nga historia e këtyre 4 viteve për goditjen e PD në emër të SHBA, por që në fakt kanë qënë goditje dhe kurthe të ngritura nga Soros dhe hajdutët e tij në Tiranë, ardhja e LaCivitia është një mesazh I qartë që i jepet Politikës shqiptare dhe të gjithë shqiptarëve se në SHBA tashmë ka ndryshuar çdo gjë. Nuk është më qeveria e Blinken që dizenjoi non grata Sali Berishën pa fakte dhe prova dhe bënte vizita të shpeshta në Tiranë për t’I bërë një qoka Edi Ramës. Sot është president Donald Trump. Tashmë janë larguar nga deepartamenti I shtetit dy ambasadorët famshëm Donald Lu dhe Juri Kim që promovuan reformën në drejtësi në Shqipëri, një mesazh I qartë nga SHBA.

I pyetur lidhur me përbërjen e listave të kandidatëve për deputet të PD me emra që kanë disa vite në politike dhe listat e PS, ku kjo e fundit vjen me shumë emra të rinj, Baçi shprehet se listat e PS janë riformatuar nga SPAK.

Listat nuk i riformatoi Edi Rama, por SPAK, pas gjithë kallëzimeve dhe denoncimeve ndaj qeverisë dhe deputetëve të shumtë të PS, që nëse I bëjmë një evidencë të plotë, ka një grup paralmentar në paraburgim ose nën hetim. Në këtë këndvështrim e ka pasur të detyruar formatimin e ekipit madje edhe në vështirësi për gjetur brenda administratës emra të pastër. Përmes riformatimit Rama kërkon të duket I pastër përpara shqiptarëve.

Nga ana tjetër PD vjen me një ekip me eskperiencë dhe kandidatëve të rinj për deputetë duke sjellë një gërshetim të shkëlqyer.

Sa i përket mospërmendjes së qeverisë teknike për të cilën u zhvilluan disa protesta Baçi thotë se edhe pse nuk u arrit qëllimi, zgjedhjet nuk do të bojkotohen.

Qeveria teknike nuk ka qënë kërkesë në ajër por e arsyeshme. Personalisht e shoh të domosdoshme pasi nuk ka ndryshuar asgjë te besueshmëria e Edi Ramës dhe ekipit të hajdutëve. Do të duhet të realizohej për të realizuar zgjedhje të besueshme, por jo të gjitha gjërat varen nga ne, por zgjedhjet nuk do të bojkotohen nga PD. Ose do të hymë në zgjedhje në kushte të pabarabarta, ose do të përballemi më 11 maj me gjithë përpjekjet për të manipuluar votimet.

Baçi ka denoncuar sipas tij veprime të Bashkisë Fier që ka nisur investime në qytet në kundërshtim me Kodin Zgjedhor, dhe i ka bërë thirrje SPAK-ut që të nisë hetimet

Mazhoranca po përdor administratën në zgjedhje dhe ka nisur avazin e vjetër të investimeve dhe asfalteve elektorale të ndërhyrjeve në rrugë e ujësjellësa. Janë veprime të dënueshme. I bëj thirrje SPAK-ut të hedhi një sy në Bashkinë e Fierit që ka nisur të “shqyejë” rrugët për të bërë riparime të ndryshme, investime të dënueshme nga Kodi Zgjedhor në prag zgjedhjesh. Në disa rrugë të Fierit, nga qendra te kryqëzimi i parkut edhe në rrugë të tjera po ndërhyet. Investime elektorale. SPAK duhet të fillojë hetimin.

Sa mandate synon PD në Fier?

Më lejoni të jem me këmbë në tokë, dhe jo si shpeshherë politikanë të ndryshëm që thonë shifra edhe të paarritshme ndonjëherë. Unë nuk jam dakord me atë që thuhet se Fieri është bastion i PS. Fieri ka treguar edhe herë të tjera se ka ditur të votojë ashtu siç e meritojnë ata që qeverisin. Bashkia e Fierit është drejtuar 2 herë nga PD. Rezultati i 2001 ka qenë më i miri i të gjitha qarqeve të tjera, kohë kur PD u godit fuqishëm nga mazhoranca me ndihmën e Soros. Si opozitë arritëm në Fier në 7 deputetë nga 16 që janë në total dhe 9 ishin majtas. Në këto zgjedhje kur PD vjen e organizuar, e bashkuar dhe me program për qytetarët shqiptarë, Fieri duhet t’i ndajë mandatet 8 me 8 dhe mendoj se fierakët do ta bëjnë realitet.

A do ti uroni kundërshtarit fitoren?