E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Alban Dokushi, besniku i Veliajt i goditur nga Rama

20 Mars 2025, 14:12, Politikë CNA

Alban Dokushi, besniku i Veliajt i goditur nga Rama

Erion Veliaj dhe Alban Dokushi

Një “luftë” e ashpër po ndodh në Bashkinë e Tiranës, pas veprimit të kryebashkiakut Erion Veliaj, i cili përmes një shkrese me numër protokolli 11273, ka caktuar Sara Goxhajn përkohësisht në postin e kryetares së Bashkisë së Tiranës.

Menjëherë pasi është vënë në dijeni të këtij fakti, kryeministri në mënyrë të befasishme ka shkuar në institucionin e bashkisë ku ka urdhëruar shkarkimin e Sara Goxhajt si dhe ka pasur diskutime dhe me Alban Dokushin, drejtorin juridik të bashkisë, ndaj të cilëve ka shprehur qëndrimin e tij: “Largohuni, nuk keni më punë këtu”.

Kush e nxori dokumentin e firmosur nga Erion Veliaj?
20 Mars, 12:08

Po kush është Alban Dokushi?

Alban Dokushi është një nga njerëzit pranë Veliajt, i besuari i kryebashkiakut, i goditur nga kryeministri Edi Rama.

Alban Dokushi ka mbajtur më parë postin e këshilltarit të Gjykatës së Lartë. Në mars të vitit 2014, ashtu siç raportohet në media, ndaj tij është bërë një atentat në derën e kopshtit të djalit të tij në zonën e ish-Bllokut.

Asokohe pati një sërë versionesh mbi motivet e ngjarjes, ku një ndër to ishte edhe pista për shkak të detyrës së tij si këshilltar në Gjykatën e Lartë.

Dokushi ushtronte detyrën e këshilltarit ligjor të gjykatësit, Edmond Islamaj.

Së fundi, vetëm dy ditë më parë, në 18 mars, Dokushi u thirr në Prokurorinë e Posaçme për të dhënë shpjegime në kuadër të hetimeve që struktura antikorrupsion po kryen ndaj kryebashkiakut Erion Veliaj dhe bashkëshortes së tij Ajola Xoxa.

Dokushi është një prej zyrtarëve të bashkisë, i cili pranoi publikisht se kishte zhvilluar takime me Veliajn në paraburgimin e Durrësit.

“E kam takuar me autorizim të prokurorit”, tha Dokushi.

Thirrja e tij erdhi pas përgjimeve të bëra nga SPAK-u për Erion Veliajn, ku u zbulua se si Veliaj urdhëronte nga burgu se si të ushtrohej presion dhe sulm ndaj prokurorëve dhe gjyqtarëve./ CNA