web counter
LEXO PA REKLAMA!

SHKARKO APP

App Store
Google Play

E fundit!

x

“Kur s’të vlerëson shtëpia, të vlerëson komshia”/ Sula: Nuk përjashtoj ofertën e Ramës

20 Mars 2025, 16:39, Politikë CNA

“Kur s’të vlerëson shtëpia, të vlerëson

Deputeti i Partisë Demokratike, Dashnor Sula ka reagur sot sa i përket angazhimit të tij politik në fushatë, ndëkohë që ai vetë është jashtë listave për zgjedhjet e 11 majit.

Në një dalje televizive, Sula u shpreh me nënkuptime se meqë nuk e vlerësoi Berisha, mund ta vlerësojë Rama.

“Luan kartën që kur s’të vlerëson shtëpia, domethënë që të vlerëson komshia. Kur ta di komshia, sta di shtëpia. Pra e ke brenda shtëpisë dhe nuk ia di kimetit, por ta di komshia, kjo pastaj nuk është faji im.

Është faji i shtëpisë që më mbylli derën, faji i Berishës që nuk vlerësoi kontributet e mia dhe është meritë e kundërshtarit që mi njeh vlerat që bënë të mundur të tërheq të zhgënjyerit”,- tha Sula.

Sa i përket mundësisë për t’iu bashkuar Partisë Socialiste, Sula u shpreh se mund ta marrë në konsideratë ftesën e Edi Ramës, por me kushtin e lirisë si individ politik.

 “Asnjë alternativë nuk përjashtoj por e kam të panegociueshme lirinë time si individ politik”,- tha Sula.

Ndërkaq, deklaratat e Berishës, Sula i konsideroi si të pavërteta dhe i cilësoi si një vendim për t’i ndërprerë karrierën politike.

“Deklaratat publike të zotit Berisha nuk janë të vërteta. Kanë vendosur të më ndërpresin karrierën politike. Nuk më përfshinë as në listat e mbyllura as të hapura. Dhe rezultati nuk do jetë i dëshiruar më 11 maj. Jo vetëm humbëse por më shumë se humbëse. Fatkeqësisht me trishtim e them”,- tha Sula./CNA

 





Lajmet e fundit nga