web counter
LEXO PA REKLAMA!

SHKARKO APP

App Store
Google Play

E fundit!

x

Përplasjet për Bashkinë e Tiranës/ Kalaja: Situata Rama-Veliaj si në organizatë kriminale

20 Mars 2025, 17:00, Politikë CNA

Përplasjet për Bashkinë e Tiranës/ Kalaja: Situata

Kandidatja për deputete e Partisë Demokratike, Adriana Kalaja tha sot se situata e krijuar mes kryetarit të bashkisë Erion Veliaj me Kryeministrin Edi Rama, është si ato të organizatave kriminale e mafioze.

Në një dalje televizive, Kalaja tha se pavarësisht gjëndjes së çështjes, Erion Veliaj është ende ligjërisht Kryetar i Bashkisë, ndëkohë që Rama do të marrë të gjithë pushtetet.

Kalaja tha se, sa i përket ‘luftës’ për Bashkinë e Tiranës, PD synon rivendosje të shtetit ligjor të së drejtës dhe kjo do të ndodhë pas 11 majit.

“Ajo çfarë po ndodh midis kryetarit të bashkisë ndodhur në paraburgimin e burgut të Durrësit dhe kryeministrit Rama, është tipike ajo çfarë ndodh brenda një organizate kriminale, mafioze.

Ndërkohë, ligjërisht më pëlqen apo s’më pëlqen mua, kryetar bashkie është Erion Veliaj. Kompetencat e pushteti vendor janë të pavarura nga pushteti qendror, pavarësisht forcës që përfaqëson një kryeministër i vendit dhe pavarësisht forcës reale që për hir të vërtetës mban Edi Rama për të pushtuar të gjithë pushtetet.

Ne pamë gjithë atë shoun e turpshëm në sheshin Skënderbej, që për hir të vërtetës që edhe Komisioni Qendror i Zgjedhjeve i quajti shkelje, sepse nuk mundet një kryeministër të shkojë dhe të marrë kompetencat e një pushteti lokal.

Ju e dini shumë mirë këndvështrimin dhe pikëpamjen time se çfarë përfaqëson Erion Veliaj dhe ku duhet të rrijë Erion Veliaj, por ligji është ligj. Ne si PD, që në krye të herës kemi qenë për rivendosje të shtetit se në fakt në 2013-ën nuk kemi patur një drejtësi me probleme, por një drejtësi funksionale. Pra ne jemi drejt rivendosjes së shtetit ligjor të së drejtës dhe kjo do të ndodhë pas 11 majit”,-tha Kalaja./CNA

 

 

 

 

 

 

 





Lajmet e fundit nga