web counter
LEXO PA REKLAMA!

SHKARKO APP

E fundit!

x

Situata në Bashkinë e Tiranës/ Këlliçi: Çdo gjë ndodh me urdhër e regji të Edi Ramës

20 Mars 2025, 18:41, Politikë CNA

Situata në Bashkinë e Tiranës/ Këlliçi: Çdo
Drejtuesi politik i PD-së për Tiranën, Belind Këlliçi ka komentuar sot mbi situatën në Bashkinë e Tiranës, pas një sërë ndryshimesh e aludimesh të ngritura gjatë kësaj të enjteje.

Në një dalje televizive, Këlliçi tha se çdo gjë që ndodh në Bashkinë e Tiranës, bëhet me urdhër dhe regji të Edi Ramës.

Këlliçi deklaroi se përplasja për Bashkinë e Tiranës nuk mund të fshihet më dhe se vetë Veliaj e ka kuptuar se pas gjithë kësaj qëndron kryeministri Rama.

Këlliçi akuzoi Ramën, duke shtuar se pas kësaj qëndron edhe një pjesë e strategjisë në këtë periudhë fushate.

“Flitet prej më shumë se dy javesh për këtë përplasje.
Nuk mund të fshihet më.
Veliaj e ka kuptuar që redaktori është Rama.
Ai ka kuptuar se pas kësaj është Rama.
Gjithçka që ka ndodhur në Bashkinë e Tiranës, ka ndodhur me urdhër e regji të Edi Ramës.
Çdo gjë është e miratuar nga kreu i organizatës, që është Edi Rama.
Ka qenë strategjia e Ramës në periudhë fushate”,-tha Këlliçi./CNA





Lajmet e fundit nga