web counter
LEXO PA REKLAMA!

SHKARKO APP

App Store
Google Play

E fundit!

x

Fondi 200 mijë euro për "5D"-në/ Këlliçi: Është dhënë për të blerë heshtjen e personave që duan të bëhen "pendito"

20 Mars 2025, 21:05, Politikë CNA

Fondi 200 mijë euro për "5D"-në/ Këlliçi:

Drejtuesi politik i PD për Tiranën, Belind Këlliçi i ftuar në emisonin “Debat” nga Alba Alishani ka folur për kaosin në të cilin u përfshi Bashkia e Tiranës orët e fundit.

Këlliçi tha se Rama e ka shkarkuar në mënyrë demonstrative Sara Goxhajn dhe gjithashtu u shpreh se në bashkinë e kryeqytetit kishte nisur një luftë shkarkimesh nga ana e Anuela Ristanit.

“Një luftë që dihet në dy javët e fundit. Ka një luftë të hapur në Bashkinë e Tiranës mes njerëzve të Veliajt dhe Ramës. Ristani kishte nisur një luftë shkarkimesh të personave pranë Velaijt. Kulmi është arritur ditën e djehsme pas komandimit të një prej personave më të afërt të Veliajt, Sara Goxhaj. Është një nga personat më të besuar në bashki, së bashku me Dokushin. Rama ka shkarkuar në mënyrë demostrative Goxhajn, mbaj përgjegjësi të plotë për këtë, të dalë dikush nga bashkia dhe ta mohojë. E ka përzënë dhe nga mbledhja dhe ka urdhëruar Policinë e Shtetit për mos t’i lejuar të hyjnë në godinë nga sot”, tha Këlliçi.

 

Gjithashtu Këlliçi foli dhe për pagesën 200 mijë euro që u bë për “5D”, për të cilën tha se është dhënë për të blerë dhe për pak kohë heshtjen e personave që duan të bëhen të penduarit e drejtësisë.

Adresa e fondit 200 mijë euro, tha Këlliçi, është burgu i Fierit.   

 

“Kemi një pagesë të re për 5D, 200 mijë euro, për rikonstruksionin e Kinostudios. Konsiderohet që punimet kanë përfunduar, de facto nuk kanë përfunduar. Fondi 200 mijë euro është dhënë për të blerë dhe për pak kohë heshtjen e personave që duan të bëhen pendito. Adresa e fondit është në burgun e Fierit”, deklaroi Këlliçi./ CNA





Lajmet e fundit nga