web counter
LEXO PA REKLAMA!

SHKARKO APP

App Store
Google Play

E fundit!

x

Raporti i GRECO-s/ Përfaqësuesi i KiE, Esposito: Reformat ndodhin kur ka vullnet politik

21 Mars 2025, 13:19, Politikë CNA

Raporti i GRECO-s/ Përfaqësuesi i KiE, Esposito: Reformat ndodhin kur

Sot në ambientet e kryeministrisë u prezantua raporti i GRECO-s për luftën antikorrupsion. Pjesë e prezantimit ishte edhe Gianluca Esposito, drejtori i Përgjithshëm për të Drejtat e Njeriut dhe Sundimin e Ligjit në Këshillin e Europës (KiE).

Në fjalën e tij, Esposito theksoi nga raporti për parandalimin e korrupsionit u evidentua se pati rezultate në Shqipëri.

Esposito tha se me korrupsionin humbasim të gjithë, humbet shoqëria, prandaj parandalimi është kyç.

“Kënaqësi sa herë vij në Tiranë, ndihem si në shtëpi kur vij këtu. GRECO ndihmon vendet për të ngritur sistemin për të parandaluar dhe luftuar korrupsionin. Me korrupsionin humbasim të gjithë, humbet shoqëria. Parandalimi është kyç, që të mos shfaqet. Autoritetet kanë ngritur një sistem që është efektiv në luftën ndaj korrupsionit. Korrupsioni nuk është çështje kombësie, pasaporte apo përkatësie, është fenomen”, -tha Esposito.

Esposito shtoi se kur ka vullnet politik për të kryer reformat, reformat ndodhin dhe ky është kyçi i suksesit.

“Jam i lumtur që Shqipëria i ka plotësuar këto pika për të luftuar korrupsionin. Kjo punë këtu dhe në Strasburg ka funksionuar mirë. Kur ka vullnet politik për të kryer reformat, reformat ndodhin. Ky është kyçi i suksesit, kur ka vullnet politik reformat ndodhin dhe ka rezultat. Jam i nderuar që jam këtu për të festuar këtë moment të veçantë”, -u shpreh Esposito./CNA





Lajmet e fundit nga