web counter
LEXO PA REKLAMA!

SHKARKO APP

App Store
Google Play

Kush dhe pse sulmohet vetingu në SPAK

21 Mars 2025, 13:47, Politikë REDAKSIONALE

Kush dhe pse sulmohet vetingu në SPAK

Gjykata Kushtetuese përballë vetingut në SPAK

Në datën 27 mars, në Gjykatën Kushtetuese pritet të zhvillohet një seancë gjyqësore, ku njerëz brenda sistemit të drejtësisë duan të godasin një filtër të rëndësishëm në SPAK, atë të vetingut që duhet të kalojnë gjyqtarët dhe prokurorët para se të marrin detyrën funksionale në GJKKO apo në SPAK.

Përveç filtrit të vetingut të ngritur me reformën e drejtësisë, i cili është proces që po mbyllet në SPAK dhe GJKKO, që të bëhet emërimi për të marrë detyrën, pasi bëhet një përzgjedhje me renditje, duhet të kalosh një veting të veçantë, në një komision me 5 persona ku të bëhet një skanim i plotë.

Dhe pikërisht ky skanim është mjaft thelbësor sepse frenon futjen në këto dy struktura të individëve, të cilët mund të kenë problematika të ndryshme të lidhjes me politikën, të profesionalizmit etj.

Në fakt, filtri është mjaft i rëndësishëm dhe ka treguar se mundet të ndalë njerëz të papërshtatshëm për të marrë detyrën në GJKKO dhe SPAK. Pikërisht ky lloj filtri, ky lloj vetingu është shqetësues për njerëz brenda sistemit të drejtësisë, të cilët tashmë kërkojnë të mos ekzistojë ky filtër që të marrin detyrën.

Ndaj dhe kanë çuar një kërkesë në Gjykatën Kushtetuese për të shqyrtuar a duhet të ekzistojë ose jo filtri që bën SPAK-u. Çdo filtër, çdo skanim, çdo veting që bëhet në struktura të tilla të nivelit të drejtësisë janë të nevojshme.

Janë të nevojshme për të ndalur “penetrimin” e individëve të papërshtatshëm. Prishja e kësaj strukture nga Gjykata Kushtetuese është një grusht, që një grup i caktuar i lidhur me politikën apo për qëllime të dyshimta në lidhje me segmente të caktuara që kërkojnë të fusin kthetrat e tyre brenda GJKKO-së dhe SPAK-ut për të mos lejuar që të ecë përpara lufta me korrupsionin, për të ndalur betejën e drejtësisë me politikën e korruptuar.

Ndaj, kanë gjetur si instrument një lëvizje në Gjykatën Kushtetuese, një veprim që pritet të marrë gjykim në datën 27 mars me qëllim të vetëm që të goditet filtri i vetingut brenda SPAK-ut për të çliruar interesa klienteliste korruptive të politikës së lidhur me drejtësinë./ CNA





Lajmet e fundit nga