web counter
LEXO PA REKLAMA!

SHKARKO APP

App Store
Google Play

E fundit!

x

Gjykata Kushtetuese, një skenar për 27 marsin

4 Mars 2025, 11:44, Aktualitet CNA

Gjykata Kushtetuese, një skenar për 27 marsin

Arrestimi i Erion Veliajt, burgosja e shumë eksponentëve të krimit, përplasjet e forta për SPAK-un dhe lufta për drejtësinë kanë krijuar një vorbull të madhe intrigash, skenarësh kundër SPAK-ut.

Në datën 27 mars pritet të ketë një seancë në Gjykatën Kushtetuese, në lidhje me faktin a mundet një gjyqtar apo një prokuror të emërohet direkt në SPAK dhe GJKKO pa kaluar më parë në një filtër speciale.

SPAK ka një veting të tijin për të gjithë zyrtarët e sistemit të drejtësisë që shkojnë në këtë institucion apo në GJKKO, pra një bën një skaner.

Disa personazhe që nuk kanë mundur ta kalojnë dhe të marrin këtë emërim, personat me problematika, edhe pse kanë kaluar vetingun, sepse ka nga ata që kanë kaluar vetingun dhe kanë dritëhije mjaft të mëdha, për këtë po bëjnë "luftë".

Pra, në 27 mars duan të rrëzojnë vetingun brenda SPAK-ut dhe GJKKO-së dhe kushdo nga brenda sistemit të drejtësisë, që ka kaluar vetingun e parë, pra vetingun e kryer, procesi tashmë që po mbaron dhe GJKKO e SPAK të mbushen me gjyqtarë dhe prokurorë të çdo lloj niveli, por që plotësojnë kriteret, por theksojmë pa kaluar në filtrin e vetingut brenda SPAK-ut.

Këtë duan të shmangin.

Prandaj e kanë çuar çështjen në Gjykatën Kushtetuese dhe kërkojnë që të shkojnë në këtë strukturë individë në sistemin e drejtësisë me problematika siç theksuam apo me dritëhije të mëdha.

Gjithçka që po bëhet është në funksion të kësaj dhe artikulimi në mbrojtje të Gjykatës Kushtetuese se ka qenë një “krim” i madh përgjimi i anëtarëve të Gjykatës Kushtetuese kur në fakt është kryer brenda ligjit dhe askush nuk e ka kontestuar me argumente ligjore, ka një qëllim final: goditjen e vetingut brenda SPAK-ut, filtrin e fundit që siguron prokurorë dhe gjyqtarë vërtetë të ndershëm dhe ta pacenueshëm në figurën e tyre profesionale./ CNA





Lajmet e fundit nga