web counter
LEXO PA REKLAMA!

SHKARKO APP

App Store
Google Play

E fundit!

x

Ka dalë Kuçedra në Tragjas

4 Mars 2025, 10:10, Aktualitet CNA

Ka dalë Kuçedra në Tragjas

Ditën e sotme, banorët e fshatit Tragjas kanë organizuar një protestë kundër ndërtimit të ujësjellësit dhe shembjes së banesave.

Në zonë kanë shkuar forcat e FNSH-së dhe IKMT-së, por banorët kanë tentuar të ndalojnë punimet duke penguar kështu ndërtimin e ujësjellësit me rëndësi për turizmin në zonë.

Prurjet në lumit Izvor ku do të ndërtohet ujësjellësi janë të mëdha që mund të mbajnë me mijëra familje, ndërkohë në fshatin Tragjas ka rreth 50 banorë dhe është i mjaftueshëm për të gjithë.

Burime i thanë CNA-së se punimet po pengohen, sepse në zonë një biznes privat kërkon të ndërtojë një fabrikë uji, të shfrytëzojë lumin Izvor dhe të lejë gjithë zonën e jugut, Dhërmiun e me tej pa ujë.

Ky qëndrim i banorëve është i panevojshëm pasi nuk munden 30 persona të “çmenden” dhe të duan t’i zënë grykën ujit si në rastin e kuçedrës, që zapton ujërat. Këtë duan të bëjnë dhe këta banorë, nuk duan që uji të shkojë për ujësjellësin dhe për investimet që sjellin zhvillimin e turizmit në Jug të vendit.

Sasia e ujit që ka Tragjasi mjafton jo vetëm për atë fshat, por mjafton të zgjidhë problemin për shumë njësi turistike në Jugun e vendit dhe zhvillimin e tij.

Disa persona po bëjnë rolin e Kuçedrës duke i zënë grykën ujit që të tjerët mos kenë ujë.
Si mund të ketë turizëm pa ujë?
Burimet natyrore nuk janë pronë e një individi as e një fshati.
Burimet natyrore janë pronë e shtetit dhe përdoren për zhvillim.

Kujtojmë se kjo është protesta e disatë që banorët zhvillojnë për të njëjtën çështje. /CNA





Lajmet e fundit nga