web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 11 majit/ OSBE-ODIHR: Sot vijon misioni i vëzhgimit, i kushtojmë rëndësi transparencës

2 Prill 2025, 11:15, Politikë CNA

Zgjedhjet e 11 majit/ OSBE-ODIHR: Sot vijon misioni i vëzhgimit, i

Ambasadori i OSBE-ODIHR, Lamberto Zannier, ka bërë me dije se sot nis misioni i vëzhgimit të zgjedhjeve në Shqipëri.

Ai deklaroi se do të monitorohen të gjitha aspektet e zgjedhjeve para dhe pas ditës së zgjedhjeve.

Monitorimi përfshin zbatimin e kuadrit ligjor, zhvillimin e fushatës edhe në mediat sociale, zgjidhjen e mosmarrëvshjeve dhe mbulimin mediatik në përgjegjësi dhe zbatimin e rekomandimeve të mëparshme.  

“Nisim sot misionin e vëzhgimit të zgjedhjeve.

Për arritjen e objektivit do të monitorojmë të gjitha aspektet e zgjedhjeve para dhe pas ditës së zgjedhjeve.

Monitorimi përfshin zbatimin e kuadrit ligjor, zhvillimin e fushatës edhe në medat sociale, zgjidhjen e mosmarrëveshjeve dhe mbulimin mediatik në përgjegjësi dhe zbatimin e rekomandimeve të mëparshme.

Pjesë e procesit do të jenë takimet me përfaqësues të autoriteteve shtetërore, me përfaqësues të medias dhe përfaqësues politikë.

Ne i kushtojmë rëndësi transparencës. Dua të informoj se do të kemi 2 javë para zgjedhjeve një raport për aktivitetet.

Gjithashtu një ditë pas zgjedhjeve do të kemi rezultatet paraprake të misionit që do të komunikohen pas zgjedhjeve”, tha ai.

I pyetur në lidhje me strategjinë e SPAK-ut për krimet zgjedhore, Zannier u shpreh se do ta shohë këtë iniciativë.

“Do ta shoh edhe këtë iniciativë të SPAK-ut. Nuk kam opinion për të ndarë me ju sot për sot”, u shpreh ai.

Ndër të tjera theksoi se gjetjet për parregullsitë do të përfshihen në raportet e tyre.

“Të gjitha gjetjet tona do të përfshihen në raportet tona. Jemi të angazhuar për të bashkëpunuar me autoritetet. Por gjetjet tona të parregullsive do të mbahen përmes raporteve tona”, tha Zannier./ CNA





Lajmet e fundit nga