web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj fshihet si struci përballë demokratëve

6 Shkurt 2024, 15:47, Politikë CNA
Alibeaj fshihet si struci përballë demokratëve
Enkelejd Alibeaj

Prej disa javësh tashmë, Lul Basha dhe Enkelejd Alibeaj kanë nisur një lojë të pistë me Reformën Zgjedhore.

Fillimisht Alibeaj u ul në një tryezë me Damian Gjiknurin e PS-së dhe më pas Basha doli e gënjeu publikisht duke thënë se kjo gjë kishte ndodhur me ndërmjetësimin e ndërkombëtarëve.

Ky mashtrim i Lulit u përgënjeshtrua publikisht nga ambasada amerikane, prezenca e OSBE-së dhe ambasada e BE-së.

Edhe pas blofit, Basha dhe Alibeaj vijuan lojën e tyre. Alibeaj thirri së bashku me Gjiknurin mbledhjen e komisionit të Reformës Zgjedhore dhe në momentin që nisi mbledhja ai nuk shkoi në Kuvend, duke ditur që PD e Berishës do të bllokonte punimet.

Dhe ndërkohë që opozita dhe mazhoranca “përplaseshin” për mbledhjen e komisionit, ai u fsheh. Por kur mbledhja u zhvillua "online", Alibeaj mbiu nga hiçi. Të njëjtën skemë e përsëriti edhe herën e dytë, e sërish edhe ditën e sotme, që u bë mbledhja e tretë.

Ushtari i Bashës thirri mbledhje në Kuvend e nuk shkoi. Madje, me pafytyrësinë më të madhe ka kërkuar që mbledhja të mos zhvillohet të premten "online" ditën e pretme, por ditën e sotme.

Këtë kërkesë e ka bërë në grupin e "WhatsApp"-it të komisionit dhe më pas e ka bërë publike për mediat.

Pra, me këtë veprim të sotëm, Alibeaj tregoi edhen njëherë se ka frikë të përballet me demokratët, ndaj fsheh kokën si struci, duke u justifikuar me mbledhjet "online".

Pasi deputetët e opozitës largohen nga Kuvendi, ai merr zemër dhe del për të bërë një komunikim publik dhe për të folur për një nga reformat më të rëndësishme, siç është Reforma Zgjedhore.

Siç e thamë edhe më lart, e gjithë kjo është një lojë e pistë Basha-Alibeaj, të cilët duan ta bëjnë Reformën Zgjedhore pa opozitën, duke ia faturuar më pas përgjegjësinë atyre./ CNA

Alibeaj fshihet si struci përballë demokratëve





11:53 Politikë

Jorgo Goro, në SPAK

Kryetari në detyrë i Bashkisë së Himarës, Jorgo Goro, ësht...

Lajmet e fundit nga