E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Rritja e pagave/ Zaçaj: Rrogat e gjyqtarëve të Kushtetueses, shumë afër me Shkallën e Parë

5 Shkurt 2024, 12:07, Politikë CNA

Rritja e pagave/ Zaçaj: Rrogat e gjyqtarëve të Kushtetueses,

“A janë të mjaftueshme 7 milionë lekë pagë për gjyqtarin kushtetues dhe a i keni bëri thirrje Parlamentit për të votuar rritjen e pagës?”

Kjo ishte pyetja që iu drejtua këtë të hënë kryetares së Gjykatës Kushtetuese, Holta Zaçaj për rritjen e pagave.

Zaçaj tha se kërkesa e tyre i është drejtuar Parlamentit dhe jo Qeverisë për korrigjimin e hierarkisë së pagave në sistemin e drejtësisë.

Ajo deklaroi se paga e gjyqtarit kushtetues duhet të jetë paga më e lartë e funksionarit të drejtësisë, ndërsa theksoi se në Gjykatën Kushtetuese pagat janë shumë afër me Shkallën e Parë.

“Ne si gjyqtarë apo si njerëz shohim lajme dhe konsumojmë lajme e jemi pjesë e onturazhit mediatik. Dua t’ju shpjegoj dicka. Kur u rritën pagat e gjykatave, Gjykata Kushtetuese i bëri një propozim parlamentit, me disa ndryshime në ligjin tonë organik dhe kërkuam që paga të rishihet. Paga e gjyqtarit kushtetues duhet të jetë paga më e lartë e funksionarit të drejtësisë.

Ne donim të korrigjonim hierarkinë e pagave në sistemin e drejtësisë. Historikisht kanë qenë më të paguarit. E njëjta ndodh në çdo vend të botës, gjyqtari i Gjykatës së Kushtetueses është më i paguari. Italia e ka më të paguar se presidenti.

Qëllimi ishte rivendosja e atij parimi. Ne nuk përcaktuam shumë dhe sa do të jetë rroga jonë por të rishikonte dhe vendoste në vend parimin. Qeveria deshi të korrigjonte. E pa të metë dhe çoi një pr/ligj që nuk është rakorduar me Gjykatën Kushtetuese. Dhe shifrat që i ka nisur.

Për ne është e rëndësishme të mbetet në hierarkinë si gjyqtari më i paguar aty ku e ka vendin.

Shifrat nuk i kemi njohur dhe prodhuar ne. Rroga e gjyqtarit kushtetues sot është 390 mijë lekë të rinj bruto dhe 290 mijë lekë të vjetër neto e krahasueshme shumë afër me Gjyqtarin e shkallës së parë. Pavarësisht se Gjykata e Lartë ka diferencë të vogël”, theksoi Zaçaj./ CNA