web counter
LEXO PA REKLAMA!

SHKARKO APP

App Store
Google Play

E fundit!

x

Mblidhet Këshilli Kombëtar i PD-së/ Thirrja për protestë

3 Shkurt 2024, 17:42, Politikë CNA

Mblidhet Këshilli Kombëtar i PD-së/ Thirrja për

Pasditen e kësaj të shtune ka nisur mbledhja e Këshillit Kombëtar të Partisë Demokratike, ku po flitet për situatën politike në vend.

Mbledhja u hap nga Sekretari i Përgjithshëm të PD-së, Flamur Noka.

Gjatë fjalës së tij, Noka bëri thirje për qytetarët që të marrin pjesë në protestën kombëtare të organizuar para Parlamentit, ditën e hënë në orën 16:30.

“Të hënën ne dalim në protestë te Parlamenti që Rama ka bllokuar, sepse ai është kuvendi i përfaqësuesve të popullit opozitar, të popullit shqiptar, jo të Lindës së radhës.

Sonte, të hënën dhe cdo ditë, ne dalim te Rruga e Shpresës për t’i thënë JO burgosjeve politike, pavarësisht nëse ato janë për Sali Berishën, Fredi Belerin apo Arben Ahmetajn. Ne dalim kundër porosive dhe pritave që zbaton SPAK-u për hatër të Edi Ramës.

Të hënën ne mblidhemi për t’i thënë shqiptarëve dhe botës se, pse Amerika e dënon McGonigalin për tradhti dhe korrupsion, por SPAK, kantautorin, bashkëautorin dhe bashkëfajtorin e agjentit të FBI, e lejon të dalë e të shesë dokrra, si luftëtar i anti-korrupsionit?!

Të hënën ne dalim për t’u thënë, për të njëmijtën herë, shqiptarëve dhe botës se, Edi Rama dhe Erion Veliaj janë pronarë faktikë të inceneratorëve dhe, se duhen hetuar si të tillë”, theksoi ai./ CNA





Lajmet e fundit nga