web counter
LEXO PA REKLAMA!

SHKARKO APP

App Store
Google Play

Ahmetaj: “Top Channel” dhe media të tjera janë paguar nga inceneratorët

1 Shkurt 2024, 21:45, Politikë CNA
Ahmetaj: “Top Channel” dhe media të tjera janë paguar nga
Ish-zv.kryeministri Arben Ahmetaj

Ish-zv.kryeministri Arben Ahmetaj denoncoi mbrëmjen e sotme mediat e paguara nga njerëzit e inceneratorëve.

Ahmetaj përmendi “Top Channel”-in si një nga mediat e paguara nga inceneratorët.

Ai deklaroi se “Top Channel” dhe disa media të tjera janë bërë mercenarë të njerëzve të një megaafere dhe e kanë sulmuar për llogari të tyre.

Gjithashtu, Ahmetaj theksoi se këto media kanë mashtruar duke bërë sikur po luftonin korrupsionin.

“Unë isha i akuzuar nga opinioni publik pra, në populizmin penal shqiptar, unë po goditesha me gurë nga dritaret e ‘Top Channel’, apo nga të gjitha mediat e paguara nga inceneratorët. Mercenarë, vullnetarë, të paguar, të sponsorizuar, të gjithë. Unë habitem se si, kur del nëpër letra se je paguar nga inceneratorët dhe të dalësh të bësh sikur po lufton korrupsioni është çmenduri. Megjithatë ky është një diskutim dhe kapitull tjetër. Pra, po të hetohet Tirana, shqiptarët nuk do të habiten, por të llahtarisen. Do të shkojë shumë lart”, nënvizoi ish-zv.kryeministri.

Gazetari Çim Peka përmendi alibinë e ngritur se a ka dorëzuar shkeljet e procedurave te kreu i PL-së, Ilir Meta, pasi u zëvendësua nga Ben Blushi, “Top Channel” dhe Erion Veliaj.

Ahmetaj u përgjigj se: “Teoria e konspiracionit që unë kam dorëzuar dosjen tek Ilir Meta dhe ambasada amerikane është furnizuar nga Erion Veliaj, Belinda Balluku dhe unë nuk e besoj se Edi Rama e ka besuar, sepse është më i zgjuar se kaq. Këtë histori e ka besuar Lefter Koka dhe Mirel Mërtiri. Dosja dihet publikisht ka qenë pjesë e hetimit të KLSH-së. Por kjo u përdor si justifikim për të gjetur kokën e turkut. Cila ishte koka e turkut? Ishte një njeri që e ka pranuar që ishte mik me Mirel Mërtirin. Po mirë, po ky s’ka marrë pjesë në procedura, por ky nuk ka firmosur. Po ca na duhet se s’ka firmosur. Ne do ta ndërtojmë goditjen e këtij njeriu dal e nga dal, në mënyrë që nxjerrja në pritë politike, të kthehet në vrasje juridike. Dhe cilat janë hapat. Filloi gjithë tymnaja, jo ka dhënë jo nuk ka dhënë dosjen. Unë nuk e mora seriozisht në momentin e parë që e dëgjova. Ish miq të mi mundoheshin në tryeza ta thonin kështu me keqardhje; po si ka mundësi që ky Ben Ahmetaj ja dha dosjen Ilir Metës dhe ambasadës së SHBA. Dmth sikur i vinte keq për mua, si të habitur. Një kultivim i një konspiracioni të gjatë, nuk e besoj se Ed Rama e ka besuar këtë, por Ed Rama e ka përdorur këtë kundër meje për të gjetur një njeri, që sipas tij ti vejë tapë çështjes së inceneratorëve”./ CNA





Lajmet e fundit nga