web counter
LEXO PA REKLAMA!

SHKARKO APP

App Store
Google Play

Ahmetaj zbulon e kujt ishte ideja e inceneratorëve

1 Shkurt 2024, 21:20, Politikë CNA
Ahmetaj zbulon e kujt ishte ideja e inceneratorëve
Ish-zv.kryeministri Arben Ahmetaj

Ish-zv.kryeministri Arben Ahmetaj është rrëfyer në lidhje me 3 inceneratorët, atë të Elbasanit, Fierit dhe të Tiranës.

Ahmetaj tha se Mirel Mërtirin, e cilësuar nga SPAK si “truri” i inceneratorëve e ka njohur.

“Mirel Mërtirin e kam njohur dhe dua të sqaroj se, kur unë e kam njohur Mirel Mërtirin, i kishte filluar punët dhe madje të verifikohet se kur e kishte filluar punën në Fier, ai apo grupi i tij, apo kompania e tij që nuk e di nga ana e ogjikës juridike se si mund ti ketë krijuar entitetet. Ka pas filluar punë. Sepse u hap se paskam pasur një mesazh kafeje me Baftjar Zeqon. Unë nuk kam pirë kafe me Baftjar Zeqon, për të ndihmuar kënd”, deklaroi ish-zv.kryeministri.

Ahmetaj theksoi se Mërtirin e ka refuzuar disa herë me letra, pasi nuk i plotësonte kushtet.

“E kam refuzuar, jo se nuk i plotëson kushtet, jo se nuk i plotëson kushtet”, u shpreh ai, ndërsa deklaroi se ideja e inceneratorëve nuk ka qenë e tij.

Ish-zv.kryeministri deklaroi se dy grupe nga qendra e Tiranës shkuan në ambasada dhe deklaruan se ka qenë ide e tij, por theksoi se kjo nuk është e vërtetë.

“Bubron një grup i drejtuar nga të dyja qendra e Tiranës shkojnë nëpër ambasada dhe e thonë ka qenë ideja e tij, ai e ka pasur si ide, po shumë I sinqertë me shqiptarët nuk ka qenë ideja ime se unë nuk i njoh mbetjet. Por dhe sikur ta kisha idenë unë, unë do mbaj përgjegjësinë për menaxhimin? Nuk e kam pasur unë idenë se nuk e njoh si sector.

Nëse kemi idenë për të bërë një Eco Park në Durrës, unë e mbaj përgjegjësinë si u bë Eco Parku? Nga ideja te menaxhimi duhet t’I lidhë procedura, shkresa dhe vullneti politico-administrativ”, theksoi ai.

"Qendrat janë Kryeministria dhe Bashkia (e Tiranës). Njëri thotë më ka zhgënjyer se do të krijojë idenë se ky është personi. Tjetri thotë ideja e atij ka qenë. Ky vërtet nuk ka firmosur, por ky e meriton ta hajë. Domethënë një shoë hollivudian", nënvizoi ish-z.kryeministri më tej.

Gjithashtu, Ahmetaj deklaroi se ka “filluar ta refuzojë inceneratorin e Tiranës në vitin 2016”./ CNA





Lajmet e fundit nga