web counter
LEXO PA REKLAMA!

SHKARKO APP

App Store
Google Play

E fundit!

x

Meta, “shuplakë” PS-së/ Mafie në pushtet, ka kufizuar deputetët me ligje

1 Shkurt 2024, 17:06, Politikë CNA
Meta, “shuplakë” PS-së/ Mafie në pushtet, ka kufizuar
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, në mbledhjen e Komitetit Drejtues Kombëtar foli për kaosin e krijuar në Kuvend për shkak të mosplotësimit të kërkesave të opozitës nga mazhorqanvca.

Meta tha se Kuvendi është rrëmbyer nga Qeveria dhe veprimtaria politike e deputetëve është kufizuar me ligje të posaçme dhe përjashtime.

Ai theksoi se të drejtat dhe liritë themelore të njeriut janë rrëmbyer nga mazhoranca, të cilën e quajti mafie.

“Shqipëria sot është një narkoshtet, ku:

- Të drejtat dhe liritë themelore të njeriut janë rrëmbyer nga mafia në pushtet;

-  Ku sistemi i kontrollit dhe balancave nuk ekziston për shkak të kapjes së shtetit;

-Ku llogaridhënia është asgjësuar;

- Kuvendi siç e shikoni është rrëmbyer nga Qeveria dhe veprimtaria politike e përfaqësuesve të zgjedhur të opozitës në Kuvend dhe pushtet vendor është kufizuar me ligje të posaçme dhe përjashtime;

- Ku Opozita “emërohet” me vendime gjykatash dhe drejtuesit e saj realë arrestohen, izolohen, kërcënohen dhe shantazhohen;

- Ku drejtësia është kapur në mënyrë mafioze dhe funksionon me regji duke bërë goditje selektive sipas interesit politik të ditës së Kryeministrit dhe në shërbim të agjendave elektorale të tij.

Dhe natyrisht që ky degradim demokratik ka prodhuar rrënim ekonomik dhe shpopullim dramatik të vendit”, nënvizoi kreu i PL-së./ CNA





Lajmet e fundit nga