web counter
LEXO PA REKLAMA!

SHKARKO APP

App Store
Google Play

Pretendimet e Berishës/ Sulmi ndaj INSTAT, për të shkatërruar të dhënat e censit

1 Shkurt 2024, 19:20, Politikë CNA
Pretendimet e Berishës/ Sulmi ndaj INSTAT, për të
Ish-kryeministri Sali Berisha

Ish-kryeministri Sali Berisha reagoi në protestën e sotme për sulmin kibernetik ndaj faqes së Institutit të Statistikave.

Berisha akuzoi kryeministrin Edi Rama dhe ministrin e Brendshëm, Taulant Balla si personat përgjegjës të këtij sulmi nga hakerat.

Sipas tij, ky sulm kishte si qëllim shkatërrimin e të dhënave të regjistrimit të përgjithshëm të popullatës.

“Sot doli lajmi se dora e zezë e Edi Ramës dhe Taulant Ballës ka rrëmbyer, ka shkatërruar të dhënat e regjistrimit të përgjithshëm të popullatës. Nga koha e Skënderbeut, në të gjithë shekujt e Perandorisë Osmane, në 110 vite shtet shqiptar, kjo është hera e parë që një qeveri me dorën e saj të zezë, prish regjistrimin e popullsisë. Ky është një krim i shëmtuar antikombëtar. Me këtë krim, Edi Rama do të mbulojë 2 krimet e tij më të mëdha të këtij 10-vjeçari.

Së pari, do të mbulojë shpopullimin masiv të shqiptarëve me politikat e tij antishqiptare. Këtu para jush në mënyrë të përsëritur kam bërë publike informacionet që më vinin se numri i shqiptarëve të regjistruar ishte nën 1.5 milionë. Dhe se Edi Rama po shtynte shpalljen e regjistrimit sepse kishte urdhëruar mbartjen të qindra e mijëra emrave, në mos miliona, nga regjistrat e Gjendjes Civile, për t’i paraqitur si banorë të regjistruar në tetorin që kaloi.

Por, në proces e sipër, kuptoi se ky mashtrim do të zbulohej menjëherë nga EUROSTAT, i cili ka të regjistruar 1.1 milionë shqiptarë të larguar nga Shqipëria në zonën e Shengenit në 8 vitet e fundit të qeverisjes së Edi Ramës. Atëherë skenari i hakerimit qeveritar, i shkatërrimit të të dhënave të regjistrimit të përgjithshëm të popullsisë”, theksoi kryedemokrati./ CNA





Lajmet e fundit nga