web counter
LEXO PA REKLAMA!

SHKARKO APP

App Store
Google Play

Dëshmia e Ahmetjat/ Gjokutaj: Çorri maskën e Ramës & Co dhe mediave të inceneratorëve

2 Shkurt 2024, 22:45, Politikë CNA
Dëshmia e Ahmetjat/ Gjokutaj: Çorri maskën e Ramës &
Avokati Genc Gjokutaj

Avokati Genc Gjokutaj ka reaguar pas deklaratave të bëra mbrëmjen e djeshme nga ish-zv.kryeministri Arben Ahmetaj, i cili u shfaq për herë të parë ps largimit nga Shqipëria.

Me anë të një statusi në rrjetet sociale, Gjokutaj thotë se dëshmia e mbrëmshme e Ahmetajt është më e vlefshme se ajo e marrë nga një prokuror.

Ai shprehet se Ahmetaj u çorri maskën atyre që “ulërinin” për fakte ndaj Ramës & Co, si dhe mediave të paguara nga njerëzit e inceneratorëve.

“Dëshmia e mbrëmshme e Arben Ahmetajt përballë super Çim Pekës ishte dëshmi më e vlefshme se ajo e marrë nga një Prokuror! Sidomos në çështjen e inceneratorëve, ku SPAK rezulton ortak me fajtorët në pikëpamjen e fshehjes së provave!

Kjo dëshmi asgjësoi propagandën Qeveritare & Co për Drejtësinë e Re dhe pandëshkueshmërinë!

Dëshmia e mbrëmshme përveçse vërtetoi simbiozën korruptive Qeveri - Bashki zbuloi edhe pjesën e errët të SPAK, i cili është Tigri i egër ndaj Opozitës dhe të pafajshmëve nga njëra anë dhe Tigri prej letre ndaj Qeverisë dhe Mafies pranë saj nga ana tjetër!

Por dëshmia pendesë e mbrëmshme e Arben Ahmetajt ishte e paçmuar pasi u çorri maskën atyre që “ulërinin” për fakte ndaj Ramës & Co dhe anatemonin Ahmetajn pse nuk fliste! Kur Ahmetaj foli edhe fort u fshehën apo u munduan ta nënvleftësonin dëshminë e tij! Aq më tepër mediat e mjera pranë inceneratorit inekzistent që heshtjen e tyre nuk ja dedikuan mungesës së tij (inceneratorit), por frutave të ngrëna prapa kurrizit të tutorit të tyre Kryeministër! G”, shkruan avokati./ CNA





Lajmet e fundit nga