web counter
LEXO PA REKLAMA!

SHKARKO APP

App Store
Google Play

Gazment Bardhi, si “Babale” i Erion Veliajt

Si Erion Veliaj po përdor Gaz Bardhin për të mbyllur hallet e tij

28 Shkurt 2025, 12:55, Politikë REDAKSIONALE

Gazment Bardhi, si “Babale” i Erion Veliajt

Gaz Bardhi në ditët më të nxehta të politikës kur bëhet një betejë kundër SPAK-ut, kundër prokurorëve, ku po sulmohen dhe intimidohen njerëzit e drejtësisë për hetimet e zhvilluara ndaj kryebashkiakut Erion Veliaj, sërish si në të paktën dy raste të raportuara nga CNA kërkon të heqë vëmendjen.

Herën e parë ne raportuam se si Gazment Bardhi në momentin e arrestimit të drejtorëve të Veliajt u përdor nga ky i fundit dhe e kujtojmë në këtë shkrim. (LEXO KETU)

Si në atë kohë Gazment Bardhi, të njëjtën gjë që po bën dhe sot po bën një “Babale” politik.

Në momentin e dytë kur Erion Veliaj po goditej nga SPAK-u dhe kishte hetime ndaj tij dhe vëmendja ishte pikërisht te Veliaj, te kryebashkiaku i Tiranës, Gaz Bardhi del dhe hap një “fake news” dhe shpërthen lajmin e vëllait të kryeministrit për të cilin nuk kishte bërë kallëzim në gjykatë, por thjesht kishte çuar informacion.


Tani, së treti, në momentin kur Erion Veliaj është arrestuar del në mediat e inceneratorëve dhe Gazment Bardhi çuditërisht dhe gjerësisht gjen hapësirën e të gjitha televizioneve të paguara nga inceneratorët, vëllai i Veliajt dhe paratë e korrupsionit të pushtetit dhe këtë herë rikthehet te ministrja e Infrastrukturës, Belinda Balluku.

 

Pra, mjafton ta shikojmë e fillon një herë me Ballukun në gusht të 2024-ës, ndërkohë që në mars kishte plasur skandali për drejtorët e “5D”-së, pastaj kthehet te Rama, me gjoja kallëzimin për Olsi Ramën po në mars, dhe sërish kthehet te Balluku sot, në momentin e arrestimit të Veliajt, vetëm me 10 shkurt të 2025.

Dhe Gaz Bardhi e ka bërë këtë tri herë, në tri momente, në të njëjtën mënyrë sa herë është goditur Erion Veliaj.

Lind këtu pyetja: A janë paratë e Erion Veliajt dhe njerëzve të inceneratorëve që po e shtyjnë Gazment Bardhin të bëjë këto veprime se nuk po e shikojmë Gazment Bardhin të luftojë ndaj kryebashkiakut të Tiranës, por sa herë ka një betejë ndaj tij Gazment Bardhi del dhe gjen një armik për të tërhequr vëmendjen.

Një lojë spektakolare kjo në emër të opozitës e një individi pa shtyllë kurrizore, i një “Babale” që ende ka ngelur në grupin parlamentar të PD-së dhe në vend që t’u shërbeje kauzave të opozitës, qëllimeve të saj, shkon dhe gjoja në emër të tyre i shërben mbylljes së halleve të Erion Veliajt dhe faktet janë të renditura.

Nuk janë të rastësishme koha dhe veprimet e Gazment Bardhit. Nuk janë të rastësishme gjoja kallëzimet, ndërkohë që çon njoftime siç ka qenë rasti për vëllain e kryeministrit, nuk është e rastësishme marrja në mbrojtje të Erion Veliajt, nuk janë të rastësishëm të gjithë hapat që hedh Gazment Bardhi tashmë si zëdhënës i Erion Veliajt./ CNA





Lajmet e fundit nga